我同老闆都喜歡食秋葵,
年頭買左包種子諗住自家種,
點知冇左件事,
終於兩個幾月前醒起將種子落泥...
每日都望下佢地有冇生長,
日日望日日諗點解仲未有喜嘅?
終於前兩星期發現佢開花,
知道開花就會有結果...
真係架,朶花謝左就會出秋葵架 ...
(不過開花同花謝係好短時間,幾個鐘嘅事,所以 3 次都影唔到)
呢隻就係我地第一隻自家種秋葵喇 ^0^
超級開心呀,跟住同自己講,
得一隻,睇黎要切薄片,然後炒蛋,
珍而重之將佢成為一味餸菜 :D
呢隻係第 3 隻,好 bb (第 2 隻唔記得影 :p)
近鏡好多毛毛 (巧打意呀)
不過可能我地比佢個環境唔夠寛敞,
所以秋葵數量好少,
住新界村屋嘅朋友同我講佢嗰盆多到食唔切喎... @@
唔緊要,自家種,多與少,都好開心,食得放心 ^O^