2013年10月13日 星期日

潤吓先

 
入秋後,懶惰了不少 ...
 
近日天氣好乾,每朝早起身喉嚨相當唔舒服,
咁啱友人比左個良方我,
佢話係啲長輩教路,好滋潤嘅飲品黎...
 
材料有:
白背木耳 + 雪耳 + 新鮮洛神花 + 黑糖
以上材料本身都好有益...
 
今日買齊料煲,味道真係幾好,
煲一大煲,可隨時飲,keep 住滋潤  ^O^
 
 
 
 
 
 

2013年10月5日 星期六

出走 "清邁" ~ 返黎 lu

 
清邁返黎後都有幾日,
就係無事忙,
今日終於乖乖的坐响電腦前整理一下自己嘅 blog
 
 
懂我嘅人就知我鐘意旅行,
但就比較喜歡悠閒,放鬆腳步嗰隻,
今次呢個清邁遊,我同好友切切實實咁達到呢個理念 :D
 
今次影相唔多,係咁意放幾張上黎同大家分享
 
酒店外貌,位於河邊,較寧靜
 
 
房間露台,泳池景,
我地每日早餐後就响呢度睇書,聽音樂,
至中午外出 
 


 
其中一日我地去左 four season resort 食下午茶,
four season chiang mai 位於清邁市郊,
整個 resort 最正既係整間酒店係比水稻田包圍,
我地兩個面對住呢個景色,享受左一個非常愜意嘅一個下午
 

 
整個 trip 唯一未能如願嘅係,遇唔到心儀嘅家品...
 
今次係第二次到訪清邁,我同好友都較喜歡呢度多於曼谷,
當地人較純樸,較真,一般消費比曼谷平,
最重要嘅係食物亦相當美味,讚!