雙芝包

 

 

打開雪柜，星野仲有兩次，

要開工了...

 

今次唔問老闆想食咩，自己決定 :)

見雪柜有唔少芝士，

就決定整 "雙芝包"，

cream cheese + mozzarella ^o^

 

 

 

今次學人玩造型，

將芝士藏入麵糰裡再將佢扭卷，

之後頭尾再匯合...

 

 

 結果呢 ...

仍有好多進步空間 :p

 

 

mit 開後見啲芝士溶哂，

個包組織都唔錯，

咬落去軟熟，芝士味香濃，

總算有啲內在美啦.. 啦...

 

 

 

今日天氣好熱...

戶外工作嘅人辛苦了...

黑糖提子麥辮包

 

好耐冇整包喇，

前幾日種番個星野生種又再開始玩包，

問老闆今次想食咩，

答案又係提子包 (唔厭嘅咩 =.=")

當然又係要大量提子啦...

加支黑麥汁開工...

 

 

今次將個包擯左辮仔，

老闆見到好開心，

佢話好似佢中學時常常買嘅提子包，

我話而家都有，

不過唔多 lu...

 

 

從細到大都係三分鐘熱度嘅我，

慶幸呢幾年自己找到真心、而又喜歡做嘅興趣 ~ 烘焙 :)

 

每當我開心，或者心情低落想 "潛水" 時，

總會 "開個壇、作個法"，

焗下麵包，整下蛋糕去平衡番個心理，

感覺真好！

芝士排包

 

天氣好，心情好 :)

 

前幾日嘅暈陀陀今日終於好番啲，

今日好想整包，

早前見 allie 嘅 芝士排包 整得好靚，

就走落超市買左包芝士絲開工...

 

出爐喇，一屋芝士香 ^0^

但係個樣唔似 allie 咁靚咁齊整囉，

長短不一，有粗有幼，

完全繼續我甩甩漏漏嘅風格 > <

 

 

 

 

 

 

個星野種整左幾日，

但個人暈到冇哂心機玩，

希望啲中藥可以幫我精令番啦 :)

提子麥包

 

 

前兩日問老闆想食咩麵包，

佢諗都唔諗就答提子包，港式嗰隻

 

上網見有唔同嘅食譜，

有黑麥芽精，黑啤，或黑麥汁等等

 



 

最後黑麥汁勝出，

網上資料話佢較健康啲...  

 

 

 

老闆仲極度要求大量提子，

所以今次...

我加到個麵糰每一寸肌膚都有提子咁滯...

(其實係食包定食提子嘅呢 =.=")

 

 

250g 粉整左兩個，

個包好重手，

口感軟綿綿，喜歡！

 

記得年輕時好鍾意買一個大提子麥包當早餐，

大大個，一個人食哂，

好滿足！

今日食番，仲係自己整，滿足加感動 >.<

 

 

星野牛奶吐司

 

 

有左 mum 5 後，

好想好想試整多啲麵包，

試下佢嘅功力 :)

 

今日，我挑戰山型吐司，

以前做親都唔合格，永遠矮人一截，

一直都耿耿於懷 ....

 

噚晚同自己講：再試！

星野 + super king打左個麵糰，過夜發酵，

今早再做埋餘下嘅功夫，

下午 3 點幾出爐喇 ))))

 

終於，

終於做到個合格嘅山型吐司，

雖不致完美，但我滿足了... ^O^

 

 

 

唯獨係個包面夠色，

但包身唔係咁上色囉 :p

 

 

星野牛奶餐包

繼續中午有出爐麵包 ^^

 

今次餐包將大部份水轉為牛奶，

配上 super king 麵粉，

加埋星野...

 

 

 

全屋麵包香

 

好鍾意見佢地咁痴纏 (^O^)

 

 

我今日嘅 brunch，包包好香好軟熟 ，

 忍唔住食左兩個 :p

 

 

喜歡星野，但無奈佢發酵需時，

令我因時間上有所卻步，尤其冬天...

 

多得卜友 tabi 教我過夜發酵，

令我唔再需要一整天望住個麵糰，

而家只要一個早上就有新鮮星野包出爐，

超開心呀！

星野牛油小卷

 

 

終於放完 4 日新年假 :)

 

响年初一晚，心血來潮，

好想重投星野懷抱，

於是就做左個生種隨時候命 :)

 

噚晚開工打麵糰，

過夜發酵，

今早起身造型再發酵，

中午就出爐喇，yeah！ 

 

仍然係我愛嘅小卷 ^^

 

 

包包出爐時好香，

個人覺得，星野包真係有種清香味，愛！

 

出爐後踫巧姐夫到訪，

差不多全數奉獻了，

剩低兩個明天做早餐 ^O^

 

 

 

新嘅一年，祝願家人，朋友，卜友，

馬年身體健康，事事順利，烘焙快樂  :)

 

芝士火腿包 + 芝士肉鬆包

聽日要飛喇，
所以今日要做埋最後一次星野生種，
同清埋雪柜裡嘅資源...

今次整左兩種包包，
芝士火腿包同芝士肉鬆包，
家姐一家聽日有早餐食喇


芝士火腿包

芝士肉鬆包



組織都唔錯，嘻嘻 




終於玩完第一包星野喇，
整左 4 次包包，
過程同普通酵母好唔同，
令我對整包包嘅熱誠又再度燃起

旅行完番黎再買星野，
或者白神，
又或者學 blog 友咁自己培養天然酵母，
總之好開心，好期待下一次嘅過程呢                    

蛋沙律多士

琴日整左星野吐司，
咁好自然地成為今朝早嘅早餐，
見雪柜有火腿腸仔類，本來想整 pizza 多士，
但諗起今日要 green monday 喎 ，
(唔係迫自己 green，只係覺得既然對地球村好嘅，儘量出一份力囉)

好彩雪柜仲有一隻雞蛋，
即刻轉駄整件蛋沙律多士，
配沙律菜，同朋友嘅沙巴手信 "白咖啡"，
好滿足啦



星野生種仲有一次，要响聽日整埋佢，
再望望雪柜仲有啲咩材料清左佢先，
因為後晚要上機去遠遊呢，
超期待喔                   

星野吐司

星野生種仲有兩次，
班太同 c chan 都提議我整吐司，
琴日就動手做...

因上兩次嘅經驗個麵糰都好濕，
所以今次特別減少啲水份...

結果，整個過程都好順利，
比起上兩次控制得好好多呀


登. 登.. 登... 登.... 出爐喇，
睇吓個包包組織幾令 (自己讚自己)
今次好有成功感，好感動喔





第二日起身個包包都好軟熟，星野真係得





一直以來，身邊冇乜人同我一樣鐘意玩整包，
好多時得自己一個人盲中中咁去試，
去書局打書釘，上網去睇人地點整，
因為新手，好多時都係自己估吓、試吓...

最近玩星野嘅過程有唔少失敗位，
曾經想過放棄個生種，
用番普通酵母算，
但... 冇理由唔堅持落去架，
既然身邊冇人可以問，
唯有請教 blog 友，
真係好開心佢地無私咁回答我嘅問題，
仲比唔同嘅意見我，
令我心中團火再次燃起


多謝 blog 友們，
原來，整包路上並不孤單

星野第二包

未有第一，何來第二，
原因係...  琴日嘅第一包失敗左
應該係發酵時間未拿揑得準...

今日再接再厲，參考過班太嘅提示，
星野第二包終於叫做成功左，呼
食譜我都係跟班太嘅







星野嘅包包好有咬口，
煙煙 un un 咁，有少少法包 feel，
唔知其他 blog 友嘅作品係咪咁呢

焗完後請家姐一家人做白老鼠，
食後感係：
家姐，姨娚鐘意星野包，
姐夫就鐘情港式包，
頭號 fan 屎 主人就兩樣都愛

個星野生種仲可以做多兩次，
下次整咩好呢??

星野天然酵母 (生種)

成日見啲 blogger 讚 "星野天然酵母" 正，
終於忍唔住走左去買番包黎玩，
行左兩間 cc super，得尖沙咀嗰間有，仲要係得番最後一包，
即刻唔諗，比錢走人

知道做左生種後唔可以放得耐，
所以計番自己會整包時間至做生種，
終於琴日開工了，
好期待星野第一包喔


呢兩張相係發酵左大約 20 個鐘，呢個天氣，今晚應該搞掂



生種做法：
星野酵母 50g
清水 30度，100g
樽 (己消毒) 1 個
將酵母同水拌勻，
等佢發酵
參考時間：
20 度  48 小時
25 度  30 小時
30 度  24 小時