自家浸梅酒

年年見人浸，

就從未試過自家浸...

我同老闆都愛好杯中物，

梅酒黎講唔算喜好，怕太甜，

今年又見各路英雄出手，

搭訕問左啲資料，

之後又比我買到南高梅，

就係咁，起壇囉...

問過日本人廚師用咩酒浸最好，

佢話"泡盛"最適合，

想要酒味濃厚啲就買熟成嘅酒，

今次呢，我買左3種泡盛

1) 殘波5年古酒 (720ml)

2) 久米仙 black 30 (720ml)

3) 久米仙泡盛 (30度) (1,800ml)

其實我响吉之島試飲過幾隻梅酒，

最最最愛嘅係用 brandy 浸嘅，

如果今年嘅成績不錯嘅，

明年會斥資買支 brandy 浸囉 ^^

小確幸 (放閃文)

今日老闆送左份禮物比我，

打開睇，嘩，好好好鐘意呀 ^O^

一隻用屬於我年份嘅香港硬幣所造嘅介子，

好有心思呢...

(年份就唔影比大家睇喇 :p)

下面呢隻都係我年份嘅，用法國硬幣造，

我問老闆點解會造埋呢隻，佢話佢知我會鐘意，

因為我寧舍鐘意一啲復古嘅物品 (望落越舊越鐘意嗰啲)，

而呢個硬幣嘅顏色就正係其中一項喎 XD

老闆常笑我人家啲老婆鐘意嘅唔係包包，就係名錶之類，

而我對呢啲名牌永遠都係耍手擰頭，

反而唔舊唔爛嘅都唔鐘意，

哈哈，呢個咪係我囉... ^^

不過我知老闆揀禮物比我都幾"辛苦"架，

我嘅喜好咁唔大路，

佢話有時都諗到頭都大喎，

oh，sorry 囉... ^O^

(放閃完喇，唔准打面，逃！)

高清天 ‧ 龍脊 ‧ 飛鵝山

剛過去嘅星期，趁住難得嘅高清天色，

同好友冒住3x度嘅氣溫，

第5度探訪龍脊，為嘅係呢啲畫面 ^^

以往行山無論幾好天氣都好，

景色始終都係有一層煙霞，

但今次終於比我見到高清嘅龍脊景色喇 (太開心喇^^)

好靚呀 ^O^

不枉我帶齊裝備 (遮同電風扇)，

同早啲出發，避開個大太陽，以防萬一嘛 :p

見到呢個景，值得！

噚晚，知道今日會打風，

而趁天色仲係高清，同老闆上左飛鵝山影夜景

呢樹係較高位置，天色開始大霧了... 

有少少失望啦 ><

再加上見到有隻野豬出黎覓食，唔打擾佢喇，

開車走人...

開車無幾耐見到有個涼亭嘅位置，

望到個景仲清仲靚，

位置無咁高反而避開左啲雲層 

我地响樹影過夠，好滿足嘅旅桯 ^^

黎緊成個星期天氣都唔穩定 lu，

好慶幸自己能夠抓住香港咁難得嘅高清天 :)

秋葵 ‧ my little garden

我同老闆都喜歡食秋葵，

年頭買左包種子諗住自家種，

點知冇左件事，

終於兩個幾月前醒起將種子落泥...

每日都望下佢地有冇生長，

日日望日日諗點解仲未有喜嘅?

終於前兩星期發現佢開花，

知道開花就會有結果...

真係架，朶花謝左就會出秋葵架 ...

(不過開花同花謝係好短時間，幾個鐘嘅事，所以 3 次都影唔到)

呢隻就係我地第一隻自家種秋葵喇 ^0^

超級開心呀，跟住同自己講，

得一隻，睇黎要切薄片，然後炒蛋，

珍而重之將佢成為一味餸菜 :D

呢隻係第 3 隻，好 bb (第 2 隻唔記得影 :p)

近鏡好多毛毛 (巧打意呀)

不過可能我地比佢個環境唔夠寛敞，

所以秋葵數量好少，

住新界村屋嘅朋友同我講佢嗰盆多到食唔切喎... @@

唔緊要，自家種，多與少，都好開心，食得放心 ^O^

中秋節快樂 + happy birthday to me

今年生日咁啱係中秋佳節，

因為懶所以無開壇整月餅，

因手上實在有唔少現貨，

全部都係人家送的...

今個星期初已經同自己講放自己幾日假，

唔做瑜伽，唔跟日常嘅行程，

諗到咩就做咩 ^^

前兩日去左轉花墟，

一心諗住買啲鮮花番屋企插，

等自己開心下麻...

小學雞作品

朋友送嘅生日禮物，

初初打開真係唔知係咩...

原來佢係一個 "月亮" 來的 ^O^

回家後同老闆熄哂燈，

着左佢黎影相，好似呀，

佢仲有埋啲月球表面嘅效果，

我好鐘意呀 XD

白燈外，仲有黃燈...

以後想睇月光由自己話事，

以前成日聽啲女仔講 : 我要天上嘅月光，

原來真係可以架 ^^

好多謝朋友嘅心意，

佢知我實在太喜歡望天，望星，望月光 :p

今晚番娘家做節，

生日可以同爸媽，屋企人一齊過，

真好！

响樹，祝大家中秋節快樂呀 ^O^

lemon balm ‧ my little garden

屋企盤 "檸檬香草" 係舊年由種子種起，

估唔到佢嘅生長能力奇高，

最近佢直情係有啲唔受控制添 :p

有見及此，今日把心一橫，

將佢大部份剪下黎送比朋友，

沖水、調酒、打汁、烹煮亦可...

佢地唔係一支一支，而係成棵上...

每次同佢地換泥，或修剪，

佢地都會令到成間屋充滿檸檬香味，

大愛 ^^

呢堆自家種香草，

希望朋友喜歡 :)

小魔怪夏令營

未放暑假前，

已經同家中兩隻小魔怪講姑姐同姑媽會响暑假同佢地住酒店，

等佢地可以儘情地游下水，開心下 ^^

啱啱過嘅星期日入住，

大學站嘅 hyatt hotel， 2 晚，我 1 打 2，

一個係我哥哥嘅仔仔，

另一個係我細佬嘅女女，

所以今次姑姐又姑媽，

忙到不亦樂乎 :)

睇佢地真係嘆到喱...

而我就全程好似救生員咁，

對眼未離開過泳池 :p

環境真真不錯 ^^

房間外嘅景色，雖然唔係對住吐露港，

但綠草如茵都係我喜歡嘅 ^^

與其話我陪佢地兩個玩，

實際啱啱相反，有佢兩個嘈嘈閉，

雖然好攰，但好開心 :)

家族大旅行

話說早兩三年前，

老爸對我講過 ： "阿邊個邊個人地一家大細去左邊樹邊樹旅行"，

我答 ： "哦，係呀，咁開心呀"，

跟住眼尾 "saau" 下佢，

佢再話 ："如果我地一家人可以去一次就好喇"...

就係呢句說話，我放响心裡面好耐，

因我知難度係極高嘅，唔講其他，只係夾假期都已經夠頭痕，

都未計地方同 budget，始終大家喜好唔同麻...

終於，終於，6兄弟姊妹排除萬難，

加埋佢地嘅另一半，再加幾件要返學嘅小朋友，

一家 18口，今年農曆年終於可以成行啦 ^^

今次我地揀選左台中，5日4夜，

包左一輛 20人中巴，全程載我地周圍去，

不過我地嘅行程係相當悠閒嘅，

台中市 ~ 清境 ~ 日月潭 ~ 台中市，

所以冇乜行程可以分享，只係分享下我地當中嘅喜悅 :)

呢張相係年初四，我地响清境民宿食完早餐，

知道嗰日係新年後第一個工作天，

黎一張大合照响面書同大家拜個年，每人攞住封大利是，

祝大家開工大吉 ^^

呢張係要離開清境喇，

一家人响民宿外小斜路上玩左一大輪至肯上車

(老媽話冇我地咁好氣，自己上左車先 :p)

呢樹係 "高美濕地"，一家人响樹望住個咸蛋黃落山至走 :)

清境民宿外景觀

呢樹係 "合歡山"，我地清晨 3點幾 4點出發，就係為左睇日出，

可惜當日雲層厚，睇得唔係太清楚...

我地無乜周圍去，所以相影得唔多...

今次成個旅行都係我一個人安排，其實都幾大壓力，

好彩台灣包車公司好幫得手，

行程，食同住宿都由佢地幫我地訂好...

最重要係，原本我只租一輛 20人小巴，一個司機，

但佢地擔心我地唔夠放行李，坐得辛苦，

竟然再安排多一輛 7人車專程放我地嘅行李箱，

多一輛車，當然多一個司機... 

另再加一個導遊全程跟實我地幫我地打點一切，

但 並 冇 多 收 我 地 額 外 費 用！！！

我只可以說：台灣人真的太熱情了，

佢地用真心對待，好好好感動呢！

最後，最重要嘅係，完左老爸嘅心願，

佢嘅 "一個都不能少嘅林家家族大旅行" 終於實踐了，

而我呢件响心裡面幾年嘅 "心事" 亦終於可以放底 lu ^o^

blueberry cheese cake

老友 m 小姐今日牛一，

見呢兩日自己精神好好，

就整番個佢最愛嘅芝士蛋糕等佢開心下...^^

本來好好地，

點知手多多打左啲藍苺果茸放落去，

搞到個 cake 啲顏色奇奇怪怪咁 > <

今次做唔到樣靚，希望身材會正 (好味) 啦 :p

老死，happy birthday ah，

唔好當佢係生日蛋糕，

當係飯後甜品會好啲，hee hee... 

christmas wreath

一直都喜歡松樹嘅香氣，

但屋企唔大，總唔能夠買一棵真松樹返屋企擺...

早前响 fb 見到一網上花店有教整聖誕花環，

知道店主响用料上都係用靚貨，

同埋，最緊要係用真松枝，

所以就報左名上堂 lu...

我嘅成品呀，

我都幾滿意架 (唔知羞 ing ...)

今年有佢放响屋企，

視覺同嗅覺都好有聖誕 feel ^0^

店主話可以放到農曆年，

當然啲玫瑰會謝嘅，

如果唔鐘意可以到聖誕節買新鮮嘅番黎換左佢，

但我就係鐘意佢地謝左嘅顏色，

到時仲 vintage 啲添呀 ^^

老友飯聚

上月底老友一家三口由美國返黎渡假，

指明要吃我嘅私房菜，

皆因佢 10 多年前離港時我係一個無飯主婦，

奇怪今日嘅我變成一個愛入廚嘅 C9...

約好日子，人數 8 位，

嗰日由早忙到夜晚，

總算順利，

大家都食得開心，無野剩底，

飲得又開懷，

傾到半夜至肯走，大滿足 ^^

醉蝦

麻辣口水雞

油鹽水花甲

胡椒蝦

刴椒蒸魚雲

清蒸奄仔蟹

清湯蘿蔔炆牛腩

仲有 ~

上湯西洋菜，

鵝油有味飯，

甜品 (兩款芝士蛋糕)

不過無影相 > <"

呢個老友其實係我舊工作嘅老闆，

我好幸運曾經同佢共事過，

一個大我 5 年嘅女上司，

那些年同佢衝鋒陷陣，

好辛苦好大壓力，

朝 7 晚 11 嘅日子確係難以忘懷... 

記得佢造了舉家移民嘅決定，

我不知哭了多少遍...

今日嘅我地，一早已由上司下屬變為好朋友，

所以只要佢返黎香港，逗留幾耐，

我儘量都會預留時間比佢 :)

9月

每逢 9 月份，因生日同結婚週年原故，

飯局定會不少...

上週六，好友們安排左私房菜館嘅 bbq 同我慶生，

一行 17 人，又飲又燒又傾，

好熱鬧，好開心...

當晚我帶左幾個自家製奶皇月餅同佢地賞個早月添 :p

今日，同老闆 16 週年嘅日子，

老闆同左我去 "田舍家" 食爐端燒，

想黎試好耐喇 ^^

訂位時特別要求坐呢張枱，

望見不少時令嘅食材，

同日本帥傅以純熟手法即燒，

感覺好正！

呢兩個禮拜飲左唔少，

今晚同老闆係咁意叫左一支 500ml sake 就夠了

之後 order 左幾樣野，

最先黎嘅係秋葵，真心的，

未食過燒得咁 juicy 嘅秋葵，好好味！ 

我地後黎再叫多一碟 :p

一隻帶子，可切成 4 片，

好鮮味，我連啲湯都飲埋 XD

跟住每人一隻蝦，

唔老，啖啖肉，

但可能蝦不是我最愛，所以感覺不大 :p

呢隻菇係日本師傅推介，

佢話係最時令，

真真沒想到佢可以咁 juicy 咁好味，讚！ ^^

燒蒜頭，不過不失

燒和牛串，我唔食牛，

老闆話好香，但略漏...

燒長腳蟹，啱啱好，

一個字，超正呀！

最後仲叫左一客蟹肉蒸飯 

(當時已經幾飽，但見到隔離叫左，好香，未唯有照跟囉) XD

份量唔多，好香蟹味，

最後都係忍唔住食哂 (無眼睇)

好鐘意呢樹，除左價錢外，

食材新鮮，簡單嘅調味，

帥傅又燒得剛剛好，大愛！

又大一歲喇，

生日願望都係身體健康啦，

無論識我嘅人，或我識嘅人都一樣...

今年加多個，

好希望... 呢個世界能夠多一點愛 :)