2014年5月24日 星期六

忌廉芝士雪芳蛋糕

 
 
最近見 blog 友 tabi 分享左佢個 cream cheese chiffon 嘅食譜,
今日忍唔住動手開工,
不過屋企冇 "米粉" 同"乾燥蛋白"
仍然想膽粗粗試一試...
 
好耐冇整過雪芳有啲生疏,
加上 cream cheese 味程序比其他味道較複雜,
所以唔到脫模都唔知個效果係點...
 
出爐喇 ))))
雖然成品唔算高大,仲有少少氣孔添,
但味道真係好夠芝士味,
同個蛋糕質地夠哂濕潤,yeah!
 
老闆試完好鍾意,
大讚呢個係咁多味道中最好味嘅一個,
搞到我好開心呢 ^0^
 
 
 

 
個蛋糕面爆得唔夠靚,
要繼續努力至得...
 
 
今日終於見到太陽伯伯同藍天白雲喇,
一切都變得美好,yo!

 

2014年5月23日 星期五

手工藝‧藍染

 
一直以黎好鐘意 "札染" 製品,
每逢旅遊時見到都會忍唔住入貨...
 
 
最近位於大嶼山大浪灣村,
出現了香港第一間全天然藍染工房,
工房自從 5 月提供藍染體驗課,
讓有興趣人仕感受一下製作過程,
亦順道忘卻城市島嘅煩囂  ...
 
我早兩日冒著雨入去呢條寧靜嘅村落,
首次體驗如何可以將一塊白布染成不同圖案嘅奇妙過程,
一個半小時,由一片白布,
自己胡亂的,天馬行空的去將片白布縛縛札札,
繼而染成藍色,再沖洗,
當打開片藍布時見到自己嘅 "傑作",
是感動的...
 
 
 
 自己嘅作品,雖不是甚麼佳作,
但好開心自己可以做得到 ^O^
 
 
 
 
 
有興趣可瀏覽佢地嘅 facebook ~

清新下午茶 ‧蛋沙律+ detox water

 
 
整日天陰陰,打雷又落雨,
唔想出街食,打開雪柜攞啲剩餘物資整左個蛋沙律,
配厚多士,青瓜青檸薄荷水 :)
 
今次蛋沙律加左青瓜同粟米粒,
清新啲,好味  ^o^
 
 
粟米粒我學 c chan 無水蒸,
味道比用水灼濃得多,讚!


 
 


 

 

2014年5月19日 星期一

繼續排毒

 
 
呢隻純天然嘅飲品最近好大熱呀,
我都不停係咁整,
繼之前嘅 "綠色系列",
前兩日就整左 "橙系列" ,
今日就 "士多啤梨系列",個雪柜好熱鬧呀 ^^
 
呢樽 "士多啤梨 + 薄荷葉"
整比老闆明天攞番公司飲 :)
 
 
 
"橙 + 青檸"
呢樽 "橙系列" 係噚日浸嘅,
影完相就消滅左 lu...
 
 
我因為儘量唔飲凍飲嘅,
所以會稍為回溫至飲...
 
朋友問我係咪真係有效架,
我只會講,就算佢唔係真係咁有用,
佢起碼唔會有害囉,
反正我平時都係飲水多,
而佢又全天然,
味道又好好,同好清新添,
大愛呀!
 

2014年5月16日 星期五

維他命排毒水

 
 
早兩晚同朋友仔食飯,
佢同我提及 "detox water 維他命排毒水" 呢樣野,
佢覺得我一定會喜歡,
因呢隻係純天然飲品...
 
當晚回家後,
見卜友咁啱又整左,
上網再 search 下,
原來做法好簡單,
隨意將自己喜愛嘅新鮮瓜果,
或草本植物混搭泡在飲用水裡,
封蓋後放進雪櫃冷藏至少 8 小時即可...
 
 
 
 
打開雪櫃見有檸檬,
自己又有種薄荷葉,即刻成事...
 
 
第二日落超市買青瓜同青檸,
再搭薄荷仔,
整另外一個味道 :)

 
樣子已經夠哂吸引 (太喜歡綠色關係 ^^)
兩種味道都好清新,
啱哂有時唔想飲水嘅時候...
 
網上提到 detox water 可滋養身體和排毒消脂的功效,
如果真係做到嘅都唔錯囉,呵!
 
 
 

2014年5月11日 星期日

我的母親節

 
 
 
今日打開信箱,
收到助養左 10 年仔仔嘅信,
信中透露他家庭 / 社區已有能力可自行發展,
來信係向我道謝及道別...
 
時間過得真係好快,
第一次睇佢張相,
由一個小小人兒不知所措的樣子,
到今天有自信的笑望著鏡頭,
我感動了...
 
 

 
想不到今日呢個節日,
我呢個無兒女嘅港女,
亦能感受到一丁點當母親嘅欣慰... 哈 :)


2014年5月10日 星期六

姊妹淘‧花甲蟹鍋

 
 
 
 我家老板出差成個星期,
噚晚兩個好友上黎陪我食飯,
話費事我成日晚餐一人前喎 :p
 
啱啱叫做精神少少,
唔想煮咁多野,
就簡簡單單整左個花甲蟹鍋...
 
食完啲花甲同蟹,
再落啲火鍋料打埋個邊爐,
一路食一路傾,
開開心心又一晚 ^0^
 


懷舊甜品‧蛋花大菜糕

 
 
話說噚日整抺茶糯米糍嘅時候,
肥細佬 whatspp 我話想食大菜糕,
即時上網 search 下搵食譜,
發現原來呢個懷舊甜品做法相當簡單呢 ^^
 
 
一共整左 12 個,
夠哂佢地今晚懷舊一番 :)

 
 
今日天色終於好轉,
真好!
 

2014年5月9日 星期五

抺茶紅豆糯米糍

 
 
 
 
今日,終於有精神入廚房整野,
最近見卜友 C 整左 "抺茶紅豆糯米糍",
知老媽好喜歡吃,
而明天又回娘家食母親節飯,
今日就入廚房開工 :)
 
第一次整糯米糍,
跟 C 嘅 食譜
個皮好煙韌,軟硬度適中,
我呢個抺茶怪,
一路整一路食 :p
 
 
 
雪過都好好味,好鍾意呀 ^^
 

 


呢兩星期病到好辛苦,
keep 住低燒,
個頭爆痛 (從未如此痛過)...
去左趟醫院睇醫生,打左支針,
痛楚稍緩,但食完啲西藥個人長期陷入昏迷狀態...
 
從來都唔喜歡食西藥,真係好散,
搞到個人終日混混噩噩咁...