2016年4月24日 星期日

芒果乳酪芝士蛋糕


好友女兒牛一,
今晚會出去同佢食餐飯,
佢媽媽想我呢個姨姨整個蛋糕比佢今晚切,
梗好啦 :)

近黎啲芒果當造,
而主角又係女生一名,
咁我又做一個清新啲口味啦,
冇 cream 冇咁漏吖麻...

"芒果乳酪芝士蛋糕"


呢個世侄女由細細個睇到佢前兩年大學畢業,
一路都好乖,好孝順 (呢樣我最鐘意 ^^)
畢業後又好自立地搵份正職,
到今日已經獨當一面...

雖然响出面好似好勁咁,
但返到屋企,對住爸媽,我地呢班姨姨,
仲係同以前一樣冇分別...愛撒嬌 :p

2016年4月22日 星期五

焦糖千層蛋糕


今晚同波友 g 生先慶生,
話就話係 "先生",其實係 "姊妹" 黎 :p
佢好鐘意生日收蛋糕,
所以年年都會整一個比佢開心下嘅 ...



早幾日已經諗定整個千層蛋糕,
餅皮跟 allie,
餅面學 c chan 咁整焦糖,
諗住簡簡單單啦...

點知用火鎗整焦糖時,
啲忌廉頂唔順啲熱力瀉哂落黎,
成個餅有倒塌危機,
嗱嗱林將佢放入雪櫃定番個形先...
因為要搶救,所以個餅面唔夠焦糖色,激 c 人喇 > <"

另外,今晚仲要攞出去,
會唔會未去到餐廳時又黎一次架... o.O"




2016年4月16日 星期六

家族大旅行


話說早兩三年前,
老爸對我講過 : "阿邊個邊個人地一家大細去左邊樹邊樹旅行",
我答 : "哦,係呀,咁開心呀",
跟住眼尾 "saau" 下佢,
佢再話 :"如果我地一家人可以去一次就好喇"...

就係呢句說話,我放响心裡面好耐,
因我知難度係極高嘅,唔講其他,只係夾假期都已經夠頭痕,
都未計地方同 budget,始終大家喜好唔同麻...

終於,終於,6兄弟姊妹排除萬難,
加埋佢地嘅另一半,再加幾件要返學嘅小朋友,
一家 18口,今年農曆年終於可以成行啦 ^^

今次我地揀選左台中,5日4夜,
包左一輛 20人中巴,全程載我地周圍去,
不過我地嘅行程係相當悠閒嘅,
台中市 ~ 清境 ~ 日月潭 ~ 台中市,
所以冇乜行程可以分享,只係分享下我地當中嘅喜悅 :)


呢張相係年初四,我地响清境民宿食完早餐,
知道嗰日係新年後第一個工作天,
黎一張大合照响面書同大家拜個年,每人攞住封大利是,
祝大家開工大吉 ^^


呢張係要離開清境喇,
一家人响民宿外小斜路上玩左一大輪至肯上車
(老媽話冇我地咁好氣,自己上左車先 :p)


呢樹係 "高美濕地",一家人响樹望住個咸蛋黃落山至走 :)



清境民宿外景觀


呢樹係 "合歡山",我地清晨 3點幾 4點出發,就係為左睇日出,
可惜當日雲層厚,睇得唔係太清楚...


我地無乜周圍去,所以相影得唔多...

今次成個旅行都係我一個人安排,其實都幾大壓力,
好彩台灣包車公司好幫得手,
行程,食同住宿都由佢地幫我地訂好...

最重要係,原本我只租一輛 20人小巴,一個司機,
但佢地擔心我地唔夠放行李,坐得辛苦,
竟然再安排多一輛 7人車專程放我地嘅行李箱,
多一輛車,當然多一個司機... 
另再加一個導遊全程跟實我地幫我地打點一切,
但 並 冇 多 收 我 地 額 外 費 用!!!

我只可以說:台灣人真的太熱情了,
佢地用真心對待,好好好感動呢!

最後,最重要嘅係,完左老爸嘅心願,
佢嘅 "一個都不能少嘅林家家族大旅行" 終於實踐了,
而我呢件响心裡面幾年嘅 "心事" 亦終於可以放底 lu ^o^


2016年4月9日 星期六

香辣菜圃



自從前年整過自家制辣菜圃,
一直都深受朋友愛戴 (好似好勁咁 :p)

佢地好乖每一次都會回樽比我,
然後又好乖咁等下一次 ...


整左幾次,每次我都稍為微調一下個食譜,
睇下邊個會好啲,
今次呢個係最簡單嘅一個,
只係菜圃,櫻花蝦,蒜頭同辣椒,
完全係佢地本身嘅味道,咸咸香香的,
再加少少糖調味,
我覺得今次最好,最原始,冇比其他調味搶去 ^^






放涼後入樽,簡單包裝下


聽日打波時就可以送比佢地喇 :)


唔知係咪天氣問題,
呢排個人好冇 mood 入廚房攪呢攪 lo...

前兩日見有兩隻熟到爛嘅香蕉,
諗住整個香蕉蛋糕黎食下,
點知呆呆滯滯咁落錯份量,
難食到呢...
老闆話未見過我啲作品差成咁 >.<

我要發奮呀,元神快啲歸位吖,唔該 ))))))