2017年6月17日 星期六

自家浸梅酒


年年見人浸,
就從未試過自家浸...

我同老闆都愛好杯中物,
梅酒黎講唔算喜好,怕太甜,

今年又見各路英雄出手,
搭訕問左啲資料,
之後又比我買到南高梅,
就係咁,起壇囉...


問過日本人廚師用咩酒浸最好,
佢話"泡盛"最適合,
想要酒味濃厚啲就買熟成嘅酒,
今次呢,我買左3種泡盛
1) 殘波5年古酒 (720ml)
2) 久米仙 black 30 (720ml)
3) 久米仙泡盛 (30度) (1,800ml)


其實我响吉之島試飲過幾隻梅酒,
最最最愛嘅係用 brandy 浸嘅,
如果今年嘅成績不錯嘅,
明年會斥資買支 brandy 浸囉 ^^


2017年6月15日 星期四

小確幸 (放閃文)


今日老闆送左份禮物比我,
打開睇,嘩,好好好鐘意呀 ^O^

一隻用屬於我年份嘅香港硬幣所造嘅介子,
好有心思呢...
(年份就唔影比大家睇喇 :p)


下面呢隻都係我年份嘅,用法國硬幣造,
我問老闆點解會造埋呢隻,佢話佢知我會鐘意,
因為我寧舍鐘意一啲復古嘅物品 (望落越舊越鐘意嗰啲),
而呢個硬幣嘅顏色就正係其中一項喎 XD


老闆常笑我人家啲老婆鐘意嘅唔係包包,就係名錶之類,
而我對呢啲名牌永遠都係耍手擰頭,
反而唔舊唔爛嘅都唔鐘意,
哈哈,呢個咪係我囉... ^^

不過我知老闆揀禮物比我都幾"辛苦"架,
我嘅喜好咁唔大路,
佢話有時都諗到頭都大喎,
oh,sorry 囉... ^O^


(放閃完喇,唔准打面,逃!)

2017年6月13日 星期二

伯爵茶曲奇


今日舊舊舊同事大壽,
夜晚會同佢一家人食飯,
想整蛋糕又怕太熱,運送途中有閃失,
最後做左啲小甜點同佢賀壽 :)

早排買左啲食用乾花看門口,今次用得着喇,
曲奇用左 lady grey tea 茶葉整嘅伯爵曲奇,
再隨意咁放上乾花,效果都不錯吖 ^^


呢個舊同事我做女嗰陣時識嘅,
佢係公司茶水部姐姐,好錫我,
我睇住佢啲仔女結婚,佢今日70大壽喇,
希望佢幾時都一樣笑口常開,身體健康 ^^

2017年6月12日 星期一

高清天 ‧ 龍脊 ‧ 飛鵝山


剛過去嘅星期,趁住難得嘅高清天色,
同好友冒住3x度嘅氣溫,
第5度探訪龍脊,為嘅係呢啲畫面 ^^


以往行山無論幾好天氣都好,
景色始終都係有一層煙霞,
但今次終於比我見到高清嘅龍脊景色喇 (太開心喇^^)


好靚呀 ^O^
不枉我帶齊裝備 (遮同電風扇),
同早啲出發,避開個大太陽,以防萬一嘛 :p

見到呢個景,值得!


噚晚,知道今日會打風,
而趁天色仲係高清,同老闆上左飛鵝山影夜景

呢樹係較高位置,天色開始大霧了... 
有少少失望啦 ><
再加上見到有隻野豬出黎覓食,唔打擾佢喇,
開車走人...


開車無幾耐見到有個涼亭嘅位置,
望到個景仲清仲靚,
位置無咁高反而避開左啲雲層 

我地响樹影過夠,好滿足嘅旅桯 ^^


黎緊成個星期天氣都唔穩定 lu,
好慶幸自己能夠抓住香港咁難得嘅高清天 :)

2017年5月24日 星期三

dunedin ‧ 新西蘭 南島


去到尾站 "但尼丁" 喇,
呢樹係新西蘭最古老嘅城市之一,
我地响市內閒逛,
天氣繼續好好 ^^



但尼丁火車站



中午我地响呢度食 lunch,
好舒服 ^^


午餐後集合,向下午嘅安排進發,
係我最期待的 ^^

路經,好多隻牙呀 XD


終於到左 "黃眼企鵝保育區",
我地先去保育區嘅另一面行下先


一落去海邊就望到佢,
"他條"到佢呢... 佢地通常係扒住瞓架麻,
但呢位仁兄係平躺咁享受緊日光浴囉,
我企咁耐,佢瞓咁耐,超正!


探完海獅後,開始我地"偷窺"嘅行程喇...

講番少少資料先,
呢度係黃眼企鵝保育區,
佢地好努力咁復育緊全世界體型第三大,
但剩低唔到 5 千隻嘅黃眼企鵝...

因為黃眼企鵝好細胆,
所以,我地係要由保育區嘅指導員帶領至可以入去企鵝出現嘅範圍嘅,
而且我地全程係唔可以大聲講野,shhhhh...

首先我地去到島嘅另一邊望住呢個一望無際嘅大海


指導員話呢個沙灘係黃眼企鵝覓食返歸嘅路線,
但見唔見到全靠我地嘅運氣了


响樹企左一陣,
指導員同我地講有喇,
有一隻啱啱上左岸,
老闆即用佢最新嘅玩具 (鏡頭) zoom 到佢最埋至影到呢張,
其實當時肉眼睇係細到未必會見到


放大啲
當時大家都好開心


跟住我地被帶到一個類似 "隧道" 嘅地方睇住佢回家嘅情況


做左偷窺狂 :p
全程唔敢出聲,好怕嚇親佢地,
大家對話都係靠睇口型同身體動作 XD


企鵝先生終於行到喇


同佢好近,
第一次見到野外生活嘅企鵝,
當時開心到唔知點形容...



終於到家喇,
我地好清楚見到企鵝媽媽同 bb,
爸爸見到佢地就將口裡所覓到嘅食物餵左比 bb 先,
跟住佢地相處左好短嘅時間,
就到媽媽出去自己覓食同帶返黎比 bb

我地見到媽媽好唔捨得咁離開,
成日望番轉頭...
行左廿幾步終於忍唔住再行番去,
逗留左一陣就依依不捨咁離開... :(


好安靜咁睇完佢地一家短暫嘅相處, 
(爸爸媽媽好似鷹狼傳奇 ><),
保育區嘅行程超額完成

好靚嘅天空


最後一日喇,
11日嘅行程就咁完結,
整體黎講我同老闆都好鐘意新西蘭,
佢嘅天氣,景色,唔修飾嘅大自然美景,
以及當地人簡單嘅笑容 ...



同老闆約定了,會再回來睇滿山紅葉嘅南島,
到時嘅景色會係另一種顏色了
- 完 -

2017年5月21日 星期日

queenstown ‧ 新西蘭 南島


到左皇后鎮喇,
我地會响樹住 3 晚,
住同一間湖邊別墅,yeah!

呢張就係我地間別墅望出外面嘅景色,
個景真係靚到無朋友 ^^


呢幾日團隊有安排活動,
亦有自由時間,
好多時我同老闆坐响個廳或者走出露台望住出面嘅景色發呆 :p

朝早時嘅景色


睇住啲雲嘅變化



呢卷雲好正



山上影嘅皇后鎮全景


市中心嘅湖邊餐廳






呢張補左好耐至影到佢地一齊起飛


雨後嘅景色


湖另一邊,好療癒...



皇后鎮嘅超市好大好多野睇,
我地有兩晚見到咩新鮮就買黎簡單煮,
感覺好似响樹生活咁,好正 :)

- 續 -


2017年5月10日 星期三

lake wakatipu ‧ 新西蘭 南島


停左成個月,繼續番我個南島遊記先

呢日我地去左另一個湖 
"lake wakatipu"

一開始就見到佢地 ^^


同佢地 ^^



之後我地去左聽說係拍攝魔戒嘅森林場地,
响樹我地行左個少少山,
儘情咁享受大自然嘅美妙...



森林嘅味道令人好舒服






之後出番去湖邊午餐同閒逛


都係嗰句:好靚!


沿住沙丘一路行


腦袋一路放空


沙丘盡頭,回望番,原來都行左一段路了


下午有團友去騎馬,而我地就出發去皇后鎮



感恩一路都係好天氣


- 續 -

整整成個 4 月都病左,
唔係嚴重到瞓床嗰隻,
但就係令你超唔自在,
做咩都提唔起勁,
最後變成勁咳,
有時係會咳到氣喘,
眼淚口水鼻涕一齊黎嗰隻... > <"

踏入 5 月終於好番,
終於有番精神做番個正常人 :)

唉,總之每年嘅春天都係我嘅厄運,
"春回大地",我真係好想好想同你做好朋友架,
信我吖 ^^