酵素初長成

收成喇，我個菠蘿酵素終於可以飲喇
唔係講笑，味道真係好好飲，
除左飲到菠蘿味之外，仲飲到有酒味，
總之就好似飲緊菠蘿酒咁，
剩飲，加水或加冰都不錯，
又有益徤康，大愛呀
而家我同主人每日都喺飯後飲 30ml，感覺良好




仲有兩樽養緊，不過唔知點解我啲酵素冇其他人咁活躍，
呢兩樽仲有4日就收成，但啲泡泡仲係咁少，
anyway，mommy dearest 話只要冇黑霉點就可以







愛上酵素係因為有得玩，又有得飲，仲要對身體好，直情係乜乜出奇蛋呀 
真係好多謝 mommy dearest 嘅無私分享呢

酵素初體驗

近期發覺鮮果可製造酵素 (總係慢人幾十拍)
既有益健康，又易做，
但都係問過自己嘅中醫我可否飲用至為放心，
得到佢嘅贊同後即刻買料開壇，
程序跟足 mommy dearest， 佢好有心機教人，
連我咁鈍嘅人都一望即曉

我嘅第一樽，菠蘿酵素
第一次唔敢整咁多，驚失敗...
跟住第二日，第三日，日日起身都望下佢嘅發展，
頭幾日冇乜動靜，打定輸數


一星期後終於見到有泡，好開心呀，
就快可以飲喇



見到成功在望，即刻加碼做多兩種味道
青提同士多啤梨味



好期待喔，兩星期後就有得飲 lu