香橙西柚果醬

話說好耐好耐冇整麵包，

噚日終於的起心肝起壇開工，

見 v 仔 panini 模入左後宮一段時間，

決定整條吐司黎寵幸一下佢 :)

太耐冇整包生手左，

個外型實在唔想影底，

好在都食得落肚... @@

整完包後，再準備整樽果醬比老闆品嚐，

之前整過剩橙肉嘅果醬，

今次搞搞新意思...

用左 4個大橙，1個西柚，

當中起左2個橙皮同半個西柚皮，

連埋啲果肉果汁一齊煮

好多果肉，又有果皮嘅少少苦味，

原來加埋果皮嘅味道又好 ok 喎，

今次呢樽果醬我自己好滿意，真真好好味，

老闆都好鐘意 ^O^

今日嘅早餐，用 v 仔夾一夾塊包，

好快已經做到外脆內軟，

效果好過多士爐，配好好味果醬，再加杯啡，讚！

blood orange chiffon

早前見 blogger c chan 整左糖漬橙皮麵包，

而我老闆對有橙味嘅制品零舍鐘愛嘅，

就咁噚日出左去 cs 富澤買番一盒看門口先...

之後經過水果部份，見到有血橙呢樣物體，

就記起早前响網上見有人用過黎整戚風，

見佢細細個，我又買左兩個黎試下...

不過咁喎，雖然個血橙細細個，

但水份超多，橙味又香濃，

我連啲橙皮，橙肉都唔放過放埋一齊焗，

好奇怪，血橙嘅汁原來好深色嘅，

但做左蛋糕後唔見左...

切件比老闆試下先，

佢好鐘意呀，佢話個橙味好突出，

而且咬到啲皮同橙肉時更好味喎 ^O^

我最近好放肆呀，

竟然又買左支甜忌廉看門口，

而家食戚風...

抑或食窩夫都唧啲一齊食，

好大件事囉... 我... @@"

今日嘅早餐 ~ 

焦糖香蕉窩夫 + 士多啤梨果醬，全自家制，

再配杯啡，食得好放肆，但好開心呀 (冇眼睇 :p)

洛神花系列

呢幾日 sogo 有個 "素食節"，

噚日專程去行下睇下有咩賣...

當中見到有個本地有機農作物 counter，

個人好喜歡睇啲瓜瓜菜菜，

見到有洛神花，

就買左番屋企整果醬，

同煲洛神花茶...

另外，

再買左包 "清熱化痰止咳湯包 (桑樹葉，龍利葉，蔗)，

等飲完洛神花就煲佢黎下下火 :)

自家製‧香橙果醬

 

 

自從 2 月再自家製果醬後，

已經做了 3 次士多啤梨味，

都係嗰句，自家製果醬係一條 "不歸路"黎...

 

上星期又食完最後存貨，

問老闆要唔要轉下第二種水果味，

佢話好喎，今次整橙味吖，

不過唔要有橙皮嘅... =.=

 

好，响超市買左 8 個橙開工，

切開後先試味已經好甜，

所以今次我加左好少糖，

同多少少檸檬汁...

 

因橙本身有唔少橙汁，

所以今次整嘅時間較長...

 

話時話，今次係我第一次食橙味 jam，

原來都幾好味喎 :)

 

 

 

 

 

整過士多啤梨同橙味，

原來橙味係比較費時，

主要原因係要從橙裡避開白色橙衣，

慢慢將橙肉出，

8 個橙左我好耐囉... @@

自家製‧士多啤梨果醬

 

 

見卜友 c 整果醬，

諗番對上一次整已經係兩年前嘅事...

 

果醬我家老闆最愛士多啤梨味，

噚日買唔到長柄，所以用左韓國品種...

 

自家製真係清香啲，同好味啲，

同埋，又可以食到果肉添 ^^

 

 

做了一小樽送給好友，搭上吐司，

希望她喜歡 :)

 

 

450g 嘅士多啤梨肉 ^^

 

我好同意食過自家製嘅，

係一定番唔到轉頭，

因為街外的實在太太太甜了 ><"