2014年8月30日 星期六

芒果乳酪芝士凍餅

 
 
朋友今日生日,
噚日整左個冇忌廉嘅凍餅送比佢,
今次用 oreo 做餅底...
 
但今朝將個餅甩膜後,
發現餅底附近有其他異色...
 
 
 
 
情況同上次做 oreo 木糠布甸一樣,
食第一杯時唔見有,
但將其他放雪柜一晚後,
都係有其他顏色出現...
我以為係嗰次啲材料有事,
點知今次又係咁... > <
 
究竟係咪變壞左?
今晚送唔送出去好呀??? (嗚.......) 

 

2014年8月26日 星期二

台式肉燥飯

 
肉燥飯又係我呢啲成日要一人前嘅恩物,
整一鍋肉燥,未食嘅放冰箱,
拌飯拌麵都正!
 
 
呢個譜我跟 "鬼嫁" 本新書,
其中一種材料係 "可樂",
所以冇需加糖...
 
 
第一次整,真係好好味,
以後大食會裡呢個肉燥都應該會係常客,
yeah!!! ^O^
 

辣菜圃

 
平時出街食車仔麵,或粉仔,
如果枱面有辣菜圃提供,一定唔會放過,
落多多食到身水身汗 :)
 
早前見到 blog 友 yanomi 整,
正,即刻入左 "to do list"...
拖.. 拖... 拖...... 終於今日開工 :)
 
 
呢個係勁辣版,
有成 15隻指天椒 :p
 
 
整左一大樽放雪柜,
隨時攞出黎撈飯撈麵都得,
啱哂一人前嘅時候 ^O^
 
 
 
 
 

2014年8月20日 星期三

手打烏冬

 
 
今日整日都天陰落雨,
咁嘅天氣總會令人心情麻麻...
 
打開我嘅 "百寶柜",見到有包烏冬麵粉,
早前買落諗住整 "阿肥牌手打烏冬",
點知拖到今日至開工...
 
未整之前覺得工序好繁複,
但其實成個製作過程都幾好玩,
只係我對巧手响切功方面又發揮得淋灕盡緻,
麵條粗幼不一囉 >.<
 
 
至於口感方面,唔算好彈牙,
我已經用腳去壓平麵糰,
仲要係壓左 4 次...
問題出在那裡呢?
 
 
天色暗,影相亦唔會靚...
哎呀,我今日做咩咁灰呀???
 
精神!!!
 
 

2014年8月18日 星期一

迷你腸仔包

 
之前整過酥皮腸仔卷,
剩底 8 條蜜糖腸仔,
繼續清理大行動...
 
迷你腸仔包
 
 
細細個,脹卜卜,
好鬼可愛 :) 
 
 
 
一出爐就食左兩個 ^o^
 
 
明天早餐加杯香濃咖啡,
搞掂!

oreo 木糠布甸

 
上星期有兩個 party,
整左兩個蛋糕同小吃,
不過嗰幾日都落雨,
天色暗到冇心機影相...
 
今日打開雪柜見到啲剩底嘅材料,
決定開壇清埋佢...
 
 
肥死冇得賠嘅 "oreo 木糠布甸"
食譜跟 allie 嘅 ^^
 
 
淡cream + cream cheese + 煉奶 + rum
加埋 oreo 餅碎,
香濃到不得了 ^0^ 
 
 
真係肥死冇命賠系列,
極度邪惡 :p 
 
 
 
 
老闆今日北上出差,即日來回,
天氣太悶熱喇,
用蒸爐燉個 "苦瓜黃豆豬骨湯",
比佢清清熱,解下啲攰氣,
燉 3 個鐘,唔使睇火就有靚湯飲,
真好!
 


2014年8月5日 星期二

英式檸檬蛋糕

 
 
老闆生日,
佢特別鍾愛檸檬味嘅蛋糕,
上網見到呢個食譜,
只係整個蛋糕底,
再煮個檸檬醬淋上面,搞掂!
 
 
看似咁容易,
我都搞到一身汗 =.="
 
希望今晚佢同好友們唔介意啦 :p
 
 
祝老闆你生日快樂,身體健康,
開心每一天 ^o^