班蘭戚風蛋糕

成人見人整班蘭蛋糕，心思思又想試下，

今日問老闆想唔想食，

佢話好喎...

收到 order 即去街市專賣泰國野嘅小店買左兩札班蘭葉，

然後加牛奶同椰奶打爛，隔渣留汁，

留番平時做戚風嘅份量

一路整嘅過程都好香...

純天然嘅顏色 ^^

好香好軟，個人認為好味過星加坡出名嘅手信 :p

成日冇出街，見又齊料，

再焗多一盤餐包做早餐

今次係 12 格，成盤變哂矮仔 > <

呢幾日天氣唔知想點，

天陰，大風，毛毛雨，潮濕...咩都齊...

搞到行唔到山  > <"

天氣快啲好啲啦，please......

小餐包

好耐冇 update 呢樹喇，

早前外遊左幾日，

跟住啲舊上司，老友們排住隊咁番黎香港，

總之就無事忙啦...

今日終於有一整日可以入廚房搞下野，

好想焗盤麵包做早餐，

老闆話想食餐包，

真好，我嘅最愛 ^^

好鐘意咁望佢地

呢排見唔少人整卷包，

未又學人留啲麵糰黎玩下，

點知... @@

係，賬卜卜超可愛，

但點睇都唔覺佢有卷過囉，

但...我真係有卷到架麻 > <"

最近的起心肝再次玩番瑜伽，

以前總係提唔起興趣，

運動寧願選擇打波、行山...

但人越大，筋腱就越緊，

為左自己為左屋企人，

決心再試試愛上佢...

不過唔知係咪我心理作用，

開始左幾堂，冇以前咁抗拒，

而且呢兩星期我睡眠質素好左好多，

總算有正面嘅效果吖，

繼續努力 ^O^

鴛鴦腸巻

呢幾日真係好好好好凍，

我直情覺得凍過落住雪嘅北海道...

香港凍起黎真係唔係人咁品 >.<

天氣凍好自然會諗起某啲食物，

鴛鴦腸卷係我個 list 嘅其中一種，

好彩屋企有包大白菜粉，

想食就即刻開工...

呢幾個蒸籠係朋友送嘅，

兩個一籠，唔使迫 :p 

潤腸就唔敢整太多，

少吃多知味麻

另一抵禦嚴寒最佳食物，莫過於打邊爐，

噚晚响屋企同老闆、朋友黎個海鮮兩層塔 + 粥底鍋 ^^

蒸鍋真係食得好慢，呢餐食左 4 個鐘，

啱哂對付我呢啲食野快嘅人，

佢嘅進度帶領住我嘅節奏，冇得急，真好 :p

飯後再整個 "椰皇燉蛋白" 比佢地潤一潤，

好滿足，好溫暖嘅一餐 ^^

黑糖鴛鴦提子合桃麥包

係，又係呢款包...

事緣前兩日整左一轉比老闆同家姐一家，

當晚家姐就 whatsapp 話一定要 encore，

因為佢放工返到屋企已經所餘無幾，

姐夫同姨甥仔食左一大部份...

今次打左 400g 粉，

應該夠分喇卦... 

仲用唔同 size 黎比佢地區分添 :p

近鏡見到啲刀工真係不得了，

幾咁唔乾淨利落 @@"

不過每個都脹卜卜，愛！

今次用左 allie 介紹嘅大粒金提，

再加普通提子，

希望要求多多嘅家姐鐘意啦 :)

黑糖合桃提子麥包

呢幾日好似春天咁，細雨綿綿又潮濕... 

冬天係咪唔再黎喇?  >.<

老闆噚日同明天都北上出差 (因佢儘量都唔想過夜)...

今朝見佢瞓醒都呆呆地咁 :( 

睇到佢咁攰，

買齊料煲個 "粉葛牛大力土茯苓赤小豆扁豆湯"，

比佢消下啲攰氣，去下濕囉...

想再令佢開心啲，

又整左佢最愛嘅黑糖提子包，

今次加埋合桃，香口啲 :)

呢個爆哂餡嘅係比我家姐，

佢又係超愛提子，成日話要爆瀉嗰隻...

(究竟係食包定提子???)

唔知點解幾鐘意見到咁樣爆開嘅包面... :p

又一次讚個蒸爐，好快咁幫我將個麵糰發酵，

焗麵包時放個湯煲入去，

gum 制就搞掂，等飲湯 ^^

一口芝士包

好耐冇整包喇，

呢排懶到喱...

噚晚突然有股力量開壇，

打左個麵糰放雪櫃發酵，

今朝瞓醒繼續餘下嘅動作...

不過真係太耐冇整，

過程好唔得心應手 > <

成品頗樣衰嘅 "一口芝士包"，

一啖一個，夠哂方便 ^^

好彩都好軟熟，算好味啦 :)

喂喂，精神，勤力番啲喇喂 )))))))

提子麥包

話說，真係好耐冇整包，

前日突然間好有心情起壇作法，

可惜，唔知係咪因為太耐冇整，

定係當日又麵包，又蛋糕，又燉湯...

而大大失準 > <"

今日，死唔忿氣再黎過，

終於，有番啲正常麵包食喇，呼！

老闆最愛 ~ 港式提子麥包

早兩個星期嘅鬱悶終於暫告一段落，

真心希望事情能夠順利至完滿結束 ...

唔知係得定失，短短兩星期，

輕輕鬆鬆冇左 5 磅，

勤做運動又唔見得咁有效 @@"

變種版 "蜜汁火方"

今日繼續蒸蒸蒸...

貪中式包夠快有得食，

又健康啲，

整一堆放冰格，

食時蒸番熱佢，

加杯濃茶又一個滿足嘅早餐 ^^

我好鐘意食蜜汁火方，

所以今次我切幾片金華火腿，

加啲蜜糖先蒸佢幾分鐘，

然後切小粒平均放麵糰裡，

發酵，蒸熟，搞掂！

呢個 "變種版蜜汁火方" 食落都唔錯呀 ^O^

 個包好軟熟 :)

又要入中筋粉喇 :)

香蔥煙肉花卷

今日唔玩焗，玩蒸 :)

早排買左包中筋粉看門口，

今日打開雪櫃見有一"炸"蔥，

同 4 片煙肉，

就係咁，起身二話不說就整個 "多蔥煙肉花卷" 做早餐，

食譜我跟 "高 ling" 

好好味，係個外型就... 有待改進囉 :)

其實中式包易做，又較健康，

前後一個鐘搞掂，

不錯不錯！

友聚 ‧ 聖誕日

近年大時大節都喜歡躲在家裡過，

今年聖誕日幾個好友上了我家，

老闆 1 男拖 4 女，飲下食下傾下，

至凌晨 2 點盡興散場 :)

聖誔日始終食西餐啱 feel 啲，

當日由早到晚，洗洗切切，

終於 7 點前搞妥 ^^

忌廉蘑菇湯

意大利香草 (朋友要求要最 plain 嗰隻)

車厘茄水牛芝士配黑醋

香草芝士焗薯

牛油煮藍青口

(咩都冇落，白鑊 kum 蓋至開口，

加一片厚牛油撈勻，再 kum 蓋至青口全開，

超鮮甜，個汁仲撈埋意粉食... 讚！)

紅酒燉牛肋條

甜品 "日式芝士蛋糕"

(呢個假期整左兩次，

輕盈版，好快消滅，屬於危險類 :p)

見到好友喜歡吃，感覺真好 ^0^

今日 2014 最後一日，

水皮嘅我又打敗仗了，

醫生要我食 5 日抗生素 ... > <"

本來每年 1月1 都會去行山，

睇黎今年要好番至可以行了...

响樹，同你地講聲 

新年快樂，

身體健康呀 :)

合桃提子麥包

老闆鐘情於提子包，

港式嗰隻，

之前整過兩次佢都覺得仲爭啲野，

始終冇兒時嗰隻味道...

早兩日買左包黑麥芽精諗住今日試整，

點知佢又話 : 加埋合桃吖唔該...

咁即係 "港式提子包" 又要擇日再賽 :)

今日嘅成品真係可以話 "我很醜但我很溫柔"，

好樣衰呀 )))))

究竟我對巧手幾時至有進步嘅呢 > <"

早前响網上見有人將糯米粉代替部份高粉整包，

話會軟熟啲喎，

咁我見到自已包糯米粉就黎到期，

緊係照跟啦 :)

做左兩次加糯米粉嘅包，

真係唔錯，幾軟熟，

第一次時我問白老鼠家姐食唔食得出分別，

佢話唔知邊到唔同左，

只知今次好好食 (佢係第一次咁讚我嘅作品) :)

咁以後啲糯米粉有出路嗱 ^0^

聖誕快樂 ！

牛奶小餐包

作品非常冇新意，

但就是喜歡佢簡單，

搽果醬，cream cheese，

或加上食極都未厭嘅蛋沙律，

絕配！

唯獨今次試左網上推介嘅 "簡易麵種"，

用手搓麵糰好快搓出筋膜，

出品亦好軟熟，

不錯 ^^

牛奶煉奶小餐包

今晚有聚會，

好友指明想食小餐包...

今次我加左煉奶，

出爐嘅時候成間屋好香奶味 :)

見到啲包包圓碌碌、

脹卜卜，好可愛！

烘焙真係會令人心情變好 ^O^

紫薯小卷

包紫薯粉仲有兩次，
再用佢黎焗包包，
今次整小卷，
細細個，好喜歡！

麵包我鐘意冇餡，
鐘意食咩就搽咩，
所以我嘅喜好其實都好局限自己嘅出品...

常見其他 blogger 整好多好靚款式嘅包包，
每次見到就手痕，
但整完又食唔得多，
始終最愛 plain 嘅麵包，
尤其係小餐包 :)

我仍努力回復自在中，

對有關方面嘅消息還是採取盡量 "拒絕接收" 嘅態度，

係有點 "鴕鳥" ，

但自已嘅身體還是較重要嘛...

因近月睇中醫都話我成個人繃繃緊，

叫我要自行放鬆，

只有我自己至可以幫到自己...

所以，我仍需加油 :)

近日响 "面書" 看到這篇文章想跟大家分享，

源自 "常霖法師"

"香港社會這幾個星期以來出現的問題，

導致很多人感到不安和擔憂，

最近收到不少信眾的訴苦，

和詢問安心的辦法。

我認為現時大家最重要的是照顧自己的心，

不管立場如何，

對每天發生的事只需知道就好，

不要持續追看有關的新聞報導和網上訊息，

因為這樣只會不斷灌溉心中憤怒和不安的種子，

會變得越來越偏激，

進而導致家人和朋友之間的不和。

只要我們在生活中持續禪修的練習，

那怕只是把心念回到注意自己的一呼一吸，

就可以提升自己的覺察能力，

不容易受外境所困，

令自己的內心回復本來自在的感覺，

才能繼續為自己相信的目標而努力。"