牛奶小餐包

作品非常冇新意，

但就是喜歡佢簡單，

搽果醬，cream cheese，

或加上食極都未厭嘅蛋沙律，

絕配！

唯獨今次試左網上推介嘅 "簡易麵種"，

用手搓麵糰好快搓出筋膜，

出品亦好軟熟，

不錯 ^^

粟米吞拿魚麵包

 

 

近排响街市見啲粟米幾靚，

忍唔住買左條番屋企蒸熟佢，

再開罐吞拿魚，開工整包 :)



 

 

繼續 miele 幫手發酵，非常穩定

 

 

今次包餡終於有啲進步 (唔知羞 ing) ^o^

 

 

呢兩日打風前嘅天氣真係熱得誇張，

大家記得飲多啲水，

小心中暑呢 ...

 

 

 

我想講，我唔介意人遲到/唔到 (慣性者除外)，

但可否先通知聲，等人家可以另作安排，

此乃尊重！ 講完！

 

白神牛奶小餐包

 

睇完櫻花返黎喇，

休息左一日即刻開工整包做今日早餐

 

屋企仲有白神，當整唔切星野生種，

佢係最好嘅後備 ，

軟綿綿嘅牛奶小餐包，

愛死 :)

 

 

  

 

繼續 cream cheese + jam，

今日好開胃，同老闆每人食左兩個 :p 

 

 

之前 "小確幸" 先介紹我家薄荷仔，

去完旅行返黎後，見到佢好病咁，即時同佢急救啦，

將啲截支浸水，希望佢出番啲根可以再落泥種 ><

 

揀緊旅行相，遲多少少再放上黎... 吓... ^0^

黑糖核桃提子麵包

 

屋企多左個新成員，

為左了解佢多啲，

呢幾日同佢都行得好埋 :p

 

 

黑糖核桃提子麵包

 

 

今次麵粉我用 "春よ恋"，

正如卜友仔 tabi 所講，包質係較煙靱啲

 

 

新玩具真係有佢嘅本事，

我家老闆話個包質同以前嘅好唔同 :) 

 

不過，我學人界裂紋一啲都唔得囉.... @@

 

 今早嘅早餐，老闆食得好開心 ^O^

 

 

新成員 mum 5

 

話說屋企嘅電動打蛋器早前壞左，

同老闆行 sogo 諗住買番個，

點知佢話不如買部好少少啦，

唔使拎住打咁攰吖麻，

又可以幫我打埋麵糰，

一舉幾得啦啦啦.....

 

就係咁，mum 5 就黎左我屋企喇 :)

 

 

牛油小卷

 

再戰牛油卷，

上次啲出品有啲嚇人，

一直都耿耿於懷...

 

噚日終於的起心肝 "復仇"，

今次啲出品樣子好多了，

細細個，脹卜卜，

喜歡 ^^

 

 

呢幾日早餐有著落了 :)

 

 

 

 

 

 

 

 

開心‧其實好簡單

 

 

又係小餐包，

用佢黎配甚麼都可以，大愛！

 

今日瞓醒精神好好多，

見我家老闆又要出差，

所以整個豐富嘅早餐過佢嘆完至出門 :p

 

 

 

呢個係我嘅，

早餐我最愛蛋沙律配麵包，

來一杯香濃咖啡，滿足 :)

 

好友數年前送我的新屋入伙禮物 ~ 咖啡機，

以前忙於工作未有用心去研究，

只知街外的好喝得多...

 

這年留家時間多了，

開始去搜尋資料如何炮製一杯美味嘅香濃咖啡...

 

終於，我成功了！

在家原來也可以喝一杯跟街外差不多的咖啡，

原來，開心其實好簡單 ^O^

 

 

 

focaccia 佛卡夏

 

 

網上見卜友仔整呢個包包好靚，

覺得好有聖誕 feel，

自己又試下玩下，

可以拎去同好友們分享...

 

呢種包好大自由度，

鍾意落咩就落咩，

身邊人喜歡食黑欖，

就下佢再加啲車厘茄，

橄欖油，蒜蓉，黑胡椒，粗海鹽同香草，

搞掂，不錯呢 ^O^

 

 

 

 

每年聖誕總會有聚會 (s)，

今年亦唔例外...

以前總會外賣食物，

呢幾年轉性後鍾意自己煮，

一大班人圍埋一齊食吓，飲吓，傾吓，

開心之餘又有滿足感...

 

小麥餐包

 

 

今個聖誕同班波友嘅聚會，

已被安排要交出兩盤新鮮麵包，

以我嘅 "低能力" 同屋企嘅小焗爐黎講，

真係怕佢地會失望 = ="

 

思前想後，為左縮短制作時間，

噚晚就試下玩 "低溫發酵"，

今朝早響雪柜拎佢出黎回溫，靜止，再發酵，

連焗至包包出爐，確係慳唔少時間...

 

最緊要係...啲包包都好軟熟呢 :)

 

 

 

仍然鍾愛小餐包，

只係配一杯香濃咖啡，

已經係一個美妙嘅早餐 ^^ 

 

 

 

 

試驗成功，咁就可以响聚會前一晚打定兩份麵糰，

第二日攞出黎做埋餘下工作，

咁就可以順利交出新鮮包包過佢地吃啦 :D

 

 

不過呢... 要入番啲白神酵母，

最近用佢做包好得心應手，

喺咁嘅氣溫下，發酵都唔係太長，

讚呀 ！！！

豬仔包

 

心心餐包又清哂，

今次學卜友仔玩卷包，

見人家整得圓碌碌，脹卜卜好得意...

 

可惜...我啲作品，

6 個裡得 1 個似樣啲 o.0"

 

 

 

 

中間仲要有 "通道" 添，

XDDDDDD

 

 

 

身邊人由細到大都習慣出外食早餐，

為左打破佢呢個 "定律"，

我唯有多做麵包黎 "引誘" 佢囉囉囉...

 

cream cheese 小餐包

 

 

 

見雪柜仲有 cream cheese 存貨，

今日用左佢做我最愛嘅餐包仔，

食譜跟 "愛美麗"，

之前做過好鍾意好好味，

所以今日再 encore ^^

 

 

 

見 allie 整個心心餐包好靚仔，

自己又想玩下，

點知個爐今日唔知點解咁火，

搞到啲包包面深色哂，

唔靚仔囉... 激 c 人 o.0

 

 

 

 

今晚同朋友飯聚，

包裝好兩小包作為小小心意，

希望朋友們唔介意呢啲曬燶左嘅包包啦... :p

 

 

 

白神小餐包

 

 

真好，整包嘅意欲又返黎喇...

 

屋企仲有兩少包白神，

一於清埋佢先...

 

包包類我最鍾愛小餐包，

細細個，圓碌碌，脹卜卜 :p

 

 

呢幾日身邊人好多應酬 ，樣子很累 :(

 

今早，整個簡簡單單嘅早餐，

同佢打打氣，加油 :)

粟米吞拿包

早前買落嘅罐頭吞拿魚，
琴日終於被我寵幸喇，
加埋粟米粒，
開爐整左 "粟米吞拿魚包"，
送比家姐一家做明天早餐



外型都不錯喔



但，裡面就...
我硬係唔可以將啲餡包得平平均均嘅
激 c 人 ...


不過咁，今日冇番熱個包都仲好軟熟，
呢次係咁多次白神包最掂嘅一次



琴日喺 cc super 終於見到有星野，
價錢仲好 ok 添，
見佢嘅嘗味期限係出年 6 月，
忍唔住買左 3 包，
心諗冇理由 10 個月時間都用唔哂卦...

至於白神仲有兩三次，
玩完白神就可以玩番星野，
又想學 blog 友仔玩工房種呢... (唔知醜中)

牛奶吐司

買左包白神返黎做左兩次包都失敗 (超沮喪)
期間冇再玩包轉移玩雪芳蛋糕平衡個心理...

今日瞓醒個包包感好強烈，
再次挑戰白神，
因為冇理由人見人愛嘅白神落左我度會慘淡收場架


今次每個步驟都好小心，
終於... 終於有番啲安慰，
yo !!! 牛奶吐司出爐喇



雖然個山型唔平均，
個包底有少少缺口，
但... 我收貨了 


組織都不錯呢



終於做到唔矮仔嘅吐司喇 

白神吐司

終於...
今日終於用白神酵母整包包...

傳說中嘅白神發酵力強勁，
今日終於體會到，
第一次發酵唔使 1 個鐘
已經有一倍咁大，勁呀，慳唔少時間呀


不過，今次個作品嘅型狀唔靚，包身顏色又唔夠...
 太多野有待改進喇



組織卻不錯...



點解會咁矮仔嘅呢