2016年3月19日 星期六

特濃朱古力瑪德蓮


今晚見朱古力狂迷 auntie,
以往都會整 brownie 比佢品嚐,
今次跟 allie 做左個 "特濃朱古力瑪德蓮" 過佢試,
佢對朱古力好高要求架,
唔夠濃味佢會扁咀的.... XD



簡單包裝,希望佢喜歡啦 ^O^


櫻花士多啤梨乳酪芝士蛋糕


個名好長懶係勁咁 :p

好友 T小姐生日,噚晚係佢嘅生日飯局,
T小姐都算係我周邊女性當中最為女性化嘅一個,
其他嘅都好似我咁,性格偏向男仔頭 XD

所以佢嘅蛋糕我想望落有女孩子味多啲,
 粉紅色應該走唔甩卦... (心諗...),
就咁好快決定用櫻花漬 + 寒天粉做餅面,
蛋糕身就用新鮮士多啤梨 + 純乳酪 + cream cheese


只可惜,個蛋糕身可能雪得唔夠硬,
我放寒天液落蛋糕面時,
有少少芝士浮起而搞到個寒天液體唔清澈,激 c 人喇 :(
老闆話呢啲至係我嘅作品喎... (次次都係咁 "安慰我... > <")

話說回頭,呢個蛋糕冇落忌廉,
味道好清新,食幾多都唔驚,
同埋噚晚壽星女都好鐘意,
佢仲話好靚添 (哈,好明顯係夜媽媽睇得唔清楚囉... ^O^)



2016年3月17日 星期四

2016 遊 @ 蘇梅



啱啱嗰個週末,即係香港好鬼凍嗰幾日,
我同老闆,一對朋友,兩 pair 人去左蘇梅玩 6 日,
我地好幸運,成個 trip 天氣都好好,
冇落雨,日間 30度左右,夜晚涼涼地,好舒服 ^^

今次我地住左兩間 resorts,咁啱兩間都係面向東方,
所以每日日出時我地就會自然醒,然後行出露台影日出 :p


講下我地投宿嘅兩間 resorts,第一二晚我地住
"kc resort & over water villas"
呢間我地一定唔會再回住,已入黑名單,
佢除左地點方便同景色可取之外,
真的完全唔可以稱之為 resort,
我未試過一間 resort 嘅清潔程度可以差成咁... ><
1. 有塵
2. 廁所內太舊,大口仔內有漬,清潔枱面全是水漬
3. 枕頭袋有血漬 
(第二日瞓醒至發覺,特別要求佢換過哂所有床品,點知最後比我發覺竟然冇換!!!) 

我未試過响自己個 blog 樹咁開名批評,
因為我真係唔想你地會同我一樣有咁嘅不快遭遇,
我地有 written complaint,不過唔期望佢地會有改變囉...

唔講唔開心野,我地間房嘅景色又真係唔錯嘅 :)








住左兩晚後,朝早瞓醒就 check out,
寧願行吓 big c 添啲飲品水果類去下一間 resort...
(其實當時都有少少擔心下一間會係點嘅質素,
因始終住宿方面係朋友安排嘅,唔想比太大壓力對方,
正如老闆話既來之則安之,唔好影響心情,心情唔好就會影響健康...)



到左喇 ~ "sandalwood luxury villa resort",
呢樹有少少難搵,佢位於山上,路牌唔太明顯,
上到去,見到咁嘅景色心都開了,
第二日佢地仲 upgrade 我地去另一間大啲嘅 villa,超開心呢 ^^


泳池雖然細,因 resort 唔大,住客唔多,
所以我地每次游水時都係得我地幾個 ^^

呢個景,唔使飲酒都醉啦 :p


resort 內環境,好寧靜,我好 like 


呢樹嘅日出景


露台外全景,超靚



今次係我地 4 個第二次去蘇梅,
所以今次冇去景點了,只係食,飲,游,同 spa...

食方面,有兩間我想推介下,今次特登再黎食嘅,
"beach republic" 嘅 sunday brunch,
環境、食物、飲品都很不錯,
好 hea 嘅一餐,由 11:30 食到 15:30 ^^





另一間係位於 lamai beach 嘅 "sabeinglae restaurant"
呢間泰菜好好味,
食過幾次,水準都冇變... 
飲住白酒,對住個海景食晚飯,一樂也 ^^





我真係好愛蘇梅,遊客多係外國人,
相比起芭堤雅、布吉等地方,蘇梅比較寧靜,
(除了 full moon party,我未去過,所以唔知個 party 有幾熱鬧 :p)

講番呢一 pair 朋友,大家識左差唔多20年,
我地 4 個好喜歡一齊出遊,因為喜好差不多,又冇所謂,
完全唔需要就來就去,人多啲食嘅野又可以多啲嘛,
真好,感恩人生途上有佢地 :)

2016年3月6日 星期日

小紅莓瑪德蓮


今日回娘家食飯,
見 v 仔瑪德蓮烤盤終於到家,
今日就同佢開光先...

老媽喜歡食莓類,老爸喜歡糕點,
就跟 allie 嘅小紅莓 madeleines 嘅食譜,
細細件,唔使切,方便佢地食 ^^



剛烤出黎時外脆內軟,
涼左後個皮冇咁脆,但都好好味,
老闆都喜歡吃...


下次試下呢個食譜用窩夫烤盤,
或者更有驚喜 ^O^




2016年3月5日 星期六

blood orange chiffon


早前見 blogger c chan 整左糖漬橙皮麵包,
而我老闆對有橙味嘅制品零舍鐘愛嘅,
就咁噚日出左去 cs 富澤買番一盒看門口先...

之後經過水果部份,見到有血橙呢樣物體,
就記起早前响網上見有人用過黎整戚風,
見佢細細個,我又買左兩個黎試下...


不過咁喎,雖然個血橙細細個,
但水份超多,橙味又香濃,
我連啲橙皮,橙肉都唔放過放埋一齊焗,
好奇怪,血橙嘅汁原來好深色嘅,
但做左蛋糕後唔見左...




切件比老闆試下先,
佢好鐘意呀,佢話個橙味好突出,
而且咬到啲皮同橙肉時更好味喎 ^O^


我最近好放肆呀,
竟然又買左支甜忌廉看門口,
而家食戚風...


抑或食窩夫都唧啲一齊食,
好大件事囉... 我... @@"

今日嘅早餐 ~ 
焦糖香蕉窩夫 + 士多啤梨果醬,全自家制,
再配杯啡,食得好放肆,但好開心呀 (冇眼睇 :p)



2016年3月4日 星期五

大鐘山


呢幾日天氣好好,
噚日約左個朋友同我去行山,
路線方面我揀番上次行完嘅大鐘山,
喜歡佢夠簡單,但又要用啲啲力氣嘅 :)

西貢市,同上次一樣,仍然係有煙霞


另一原因我鐘意呢樹,
係因為有個大草地比我 "灘"响度享受大自然 ^^

瞓响草地咁耐,
飛機、滑翔傘不停响我頭頂飛過,
大家距離好近 




藍天白雲,溫暖陽光,加上涼風送爽,
舒服得令人可以瞓着,大愛 :)