2013年6月30日 星期日

我的夢想國。瑞士 (6)

經過兩日天寒地凍嘅山上行程後,
今日會落山去繼續尋找塵世美...

我想講,以前嘅我,一定會好唔開心,
因我最想睇大雪山、日出同雲彩,但就偏偏睇唔到...

但今日嘅我竟然冇唔開心,當然有 dd 失望,
但好快就調整過黎,叻叻呀 (自我讚賞中)
* * * * * * * * * * * * * * * * * * * * * * * * *

第 6 日喇 (好快呀),
今日嘅重頭戲係坐 "冰河快車 glacier express" 去 "聖莫里茲 st. moritz",
好,出發...

一早起身走出露台睇下個天,
嘩,藍天白雲呀,好多日冇見太陽喇 (其實只係兩日之麻) ,
yo,go go go


琴晚住嘅酒店,每間都有個大露台,正呀



落山去火車站,未夠時間上車,周圍逛下先









夠鐘上車 lu...



"冰河快車" 車廂,以玻璃為主,
列車穿梭於 "阿爾卑斯山脈",
但全因玻璃窗係打唔開,影相會有反光,
所以途中嘅景色只可留喺心中...

我地全程坐 4 個鐘,午餐都係車廂內享用






中途有個站可落車走走,有隊  live band 正在演奏


終於落車喇,我地去到 "庫爾 chur" 之後再轉坐自己架旅遊巴,
向 "聖莫里茲" 進發,呢度係其中一個中途休息處








終於,終於到左 "聖莫里茲" 喇,
check in 後出去走走






房間露台望出嘅景色



雖然今日冇咩做過,但長途跋涉嘅車程,
食過晚飯後都差不多要就寢了...

( 續 )

brownie cake

大功告成

前兩日收嘅柯打,其中嘅 brownie 都完成埋,
今次係做比好友嘅媽媽,佢上次食過我用 reko 嘅 食譜,超級鍾意

咁啱佢媽媽生日,希望我再 encore 多一次,但係以蛋糕型態上喎



哈,啲裝飾係自由擺放架,比好友自己揸主意囉



响樹,恭祝 aunt 福如東海,壽比南山,
最緊要身體健健康康,同埋... 你個女嫁得出啦.. 啦....

好喇,要去街市買餸,今晚呢個好友上黎話要食好野喎,
唉,就憑我嘅廚藝... 盡力啦

2013年6月29日 星期六

我的夢想國。瑞士 (5)

點解話今日係重重重頭戲,
早喺我地揀選 join 邊個行程時,
被呢個會有一個清晨上山觀賞日出雲彩嘅行程深深吸引,
當時二話不說就鐵定這個了...
哈,越係有寄望,就越會....
* * * * * * * * * * * * * * *  * * * * * * * * * * * *

第 5 日行程喇,
今日 4 點鐘 morning call,
呢日旅行團特別安排我地坐觀光吊車去雪山睇日出雲彩,
當時吊車公司仲未開工架,
佢地專程安排呢架 "特別班次" 載我地上山,
 仲安排埋簡單嘅早餐比我地享用呢


結果係,我地咩都睇唔到呀,
一片白茫茫,又凍,影左一陣,
大家都係返入室內抖抖,邊食早餐邊望住個天色變化,
只希望佢會有一丁點雲彩出現...




無聊咩都影啲



最後結果係... 冇奇蹟呀,係時候落山 lu



"采爾馬特" 的清晨





返酒店後,仲可以再食多個早餐,
抖陣至 check out 去下一個地方 "利德阿爾卑 riederalp"

"利德阿爾卑" 係一條位於阿爾卑斯山山腰的小村,
出入都需要乘坐登山吊車,
對於我呢個超級畏高者黎講,今日算係精彩萬分啦

上山途中嘅景色




聽說住响度嘅村民出入都係坐吊車,所以有分站方便佢地架



到左今晚嘅酒店,不錯呀,每間房都有露台,
可以望到好遠嘅景色 (如果天氣好的話) ...

有水珠的蜘蛛網




當日天氣時好時差









lunch 後又再向下個景點 "阿萊奇冰川 aletsch glacier" 進發

又係我 "最愛" 嘅登山吊車呀,呢隻仲要係"腳 fing fing" 添


上到山喇,又係白茫茫呀,哈哈...
不過空氣好好,仲見到好多 "地衣" 响樹添,
我死唔蝕底,係咁大啖大啖咁呼吸,香港冇乜機會麻



領隊向我地指出冰川嘅方向,不過天氣唔好,我地唔係咁睇到囉 ...



補張天氣好嘅 "阿萊奇冰川",好大分別呀



冰川就睇得唔清楚,唯有返酒店附近影下相,休息吓 lu...

我幾時變得咁大膽








由於今朝太早起身,返到酒店即刻黎個小睡叉叉電...

( 續 )


2013年6月28日 星期五

cheese cake


琴日收到兩個柯打,
一個今日要,一個星期六,
突然間忙左好多...

今日係好友 j 生日,
佢老公琴日傍晚至問我有冇時間整個蛋糕今晚 party 切
大家咁好朋友,就算忙都會 jig 啲時間出黎嘅,
好彩我知 j 對 cheese cake 情有獨鍾,
仲要係最 plain 嗰隻...
今朝早起身即去烘焙店入料後開工



個餅出爐時我覺得佢個樣麻麻地,
想切走啲燶位,
但主人話有少少瑕疵先似 homemade 喎,
太靚同街買有咩分別...



之後放啲藍苺,薄荷葉,
同灑左啲糖粉做啲裝飾,
希望 j 佢鐘意




另外個柯打係 brownie,但要蛋糕型態上,
好彩 reko 個
brownies cheese bar 個譜好得,
我將呢個譜分開做成兩個蛋糕,好味又靠得住 
                  


2013年6月26日 星期三

我的夢想國。瑞士 (4)



                  
第 4 日行程喇,
呢日係我超期待嘅,可惜...

其實琴晚領隊已經同我地講,
今日會去嘅地方 "采爾馬特 zermatt" 呢幾日天氣唔好,
希望我地明天會有 "奇蹟" 出現...

今朝早起身,"洛加伯 leukerbad" 嘅天氣都係麻麻,
心情跟天氣一樣... 
但係,旅行嘛,輕鬆啲,ok,lets go
* * * * * * * * * * * * * * * * * * * * * * * * * * * * *

早餐後,由 "洛加伯" 黎到 "采爾馬特",
呢度係酒店門外嘅景色,
天氣好,係可以望到 "馬特洪峰 mt.gornergrat" 嘅,
即係三角古古力嘅標誌,
當日個山頂尖尖位比啲雲遮蓋左 lu...






check in 後,我地就坐登山火車上 "馬特洪峰",
沿途風光






遠處可望見山下嘅小村莊



坐登山火車時走到最前,司機隔離,
當時天氣真係... 別有一番風味...




到喇,黎到 3,100.82米嘅地方喇



其時正值午餐時段,開餐先
呢度就係午餐嘅地方,啲相終於有番啲色彩




用餐後,出外影相,
但因為幾大雪,又凍,真係係咁意影左啲咋...




本來如果天氣好,係可以緩步去 "列福湖",再轉乘列車落山,
但响咁 "浪漫" 嘅環境下...  冇法 lu...




落山後,自由活動,
天色唔好,仍然一片灰灰的...




幸好仲有我最愛嘅 "小菊 daisy" 比我望吓 



今晚要早啲休息呀,重重重頭戲就响明天呀

( 續 )