2014年9月30日 星期二
無題
上星期同老闆外遊數天,
大家都覺得 15 週年要重視一下吧!
本來高高興興的,
回來後自己長大的地方變得很陌生,
這兩天很鴕鳥的留在家煮飯,
盡量唔去接觸新聞,
因望一次哭一次,
可能較誇張,或我眼淺吧,
好痛心!
只希望外邊的你們,
全部都可以安全回家...
我沒有信仰,但今次...
真心... 真心祈求上天,
能保佑我生活了四十多年的香港,渡過這個難關!
2014年9月15日 星期一
抹茶紅豆瑞士卷
生日的日子,
"海鷗" 來了贈慶 =.="
今日挑戰自己做瑞士卷,
效果當然預計得到... 係一定唔會靚,
結果... 真係好唔靚
@@
不過做比自已生日,
算吧,收貨,食左佢 (好彩味道還好 :p)
天氣越黎越差,
外面啲風已經吹到 "嘭嘭聲"
看來今晚同好友相聚要取消了...
有點失望呢...
最最最緊要係,
希望 "海鷗" 唔會做成太大嘅影響啦...
又大一歲了,
希望自己,身邊所有人,
都健康、快樂!
2014年9月9日 星期二
追月夜 ‧ 家
每逢佳節過後,
兩口子總喜歡躲在家中簡簡單單的過...
今日煲左個 "木瓜花甲蟹湯",
個湯好清甜,
飲夠湯後就開始打個簡單邊爐...
最後,放半杯米落湯度淆成粥,
一碗超香甜嘅海鮮粥,
大滿足!
食完飯兩口子開支 sparkling wine,
飲下傾下...
今年嘅月光好圓好大
感恩身邊所有人都齊齊整整,
真好 :)
2014年9月7日 星期日
bbq 聚 · 中秋
噚日係同班波友嘅 9 月 "月經飯"聚,
咁啱今年咁近中秋,
今次就响其中一個隊員嘅天台 bbq ^^
按佢地嘅 "要求",
整左兩個戚風同一份排包過佢地食...
再 encore "乳酪味",同新味道 "可可味"
今次好大膽咁用手脫模,
可可味脫得好不錯 :)
乳酪味就... 可以再好啲囉...
排包方面,
我對巧手又整到條條唔一樣,
老闆又話:咁至夠 homemade feel 麻 (哦...唔該哂
@@
)
anyway,佢地大大細細都食得好開心
真心開心識到呢班波友,
02 年盲中中咁跟同事去打左一場排球,
自此之後同呢班人每個月都會見一次面,
當中人數有加亦有減,
今時今日留低嘅都係中堅份子
(連大連細都有20人 ^^)
每年 12月尾我地都會有一個大主題 party,
次次都係笑死收場...
好感恩上天賜我呢班 "超低能、勁搞笑" 嘅朋友,
我地講過,到左 60歲都會繼續癲落去,
唔好比佢停,yeah !!!
牛奶山型吐司
破紀錄喇,
今次呢個吐司嘅高度係我咁多次最高架 ^O^
係唔知點解個摺口位唔一樣囉,
算啦算啦,
個高度已經遮蓋哂啲不足之處 (自我安慰中...)
今次個包好軟熟,
唔知係咪我放雪柜過夜發酵成 16 個鐘嘅關係呢...?
呢兩日見到 美x 嘅新聞,
有啲心寒 ...
慶幸自己鐘意左整包包,
有啲野避到就避啦..啦...啦....
2014年9月4日 星期四
泡菜午餐肉炒飯
早前見 blogger
tabi
整左呢個炒飯,
念念不忘...
今日忍唔住整黎食喇,
材料有泡菜、午餐肉、韓國辣醬、
翠肉瓜,再加隻太陽蛋,
好好味,讚呀!
我懶,特登整多啲,
仲有一碗留番明天 lunch 食 :)
乳酪戚風蛋糕
好耐冇做戚風蛋糕,
見今晚返娘家做節,
特別整個大 size 嘅送比兩老食...
今次試整新口味 ~ 乳酪味...
用乳酪唔使用牛奶,
啱哂唔喜歡牛奶味嘅老媽 :)
不過可能太耐冇練習,
今次脫膜脫得好唔靚,
所以... 相影得... 唔多 > <"
好彩味道不錯,
爸媽亦唔會介意收咁醜嘅蛋糕嘅.... 嘿嘿 ...
較新的文章
較舊的文章
首頁
訂閱:
文章 (Atom)