2013年4月14日 星期日

木耳白菜餃



呢排好奇怪,晚晚响屋企整野食,
仲要係整一啲以前未整過嘅食物,
琴日突然奇來好想試玩餃子,
一鼓作氣咁買齊料,開工!
自己好鐘意餃子裡有木耳,所以第一次就玩 "木耳白菜餃" ~


第一次包餃子,仲有好多好多進步空間



完成,好彩冇爆開,另外仲整埋餃子汁,
個餃子汁我跟 Florence 嘅
食譜






食後感:
第一次整,唔識調味嘅輕重,因為唔想過咸冇得返轉頭,
所以個餡略為淡口左,不過加埋個餃子汁食就冇問題

另外,下次一定要去街市買半肥瘦豬肉,
琴日就咁落吉豬島買以為相差唔遠,原來係唔可以懶嘅...

我會再整,整到滿意為止

2013年4月10日 星期三

卡邦尼意粉


我從來對白汁類食品都有點抗拒,
但身邊人卻反而鍾愛無比...
 
呢兩日佢出差,今晚可以番屋企同我食飯,
一於的起心肝整個 "卡邦尼意粉" 比佢享用,
特登再煎香幾隻帶子同蝦,唔使咁寡吖麻...
 
hee hee,佢話好好味喎 :)
 


食譜我跟阿芷,簡單易整又健康啲架

2013年4月7日 星期日

蔥油大餅




身邊人好鐘情蔥油大餅,係厚身嗰隻,
今日响網上搵到個食譜,照跟...

結果係,主人第一口咬落去就好興奮咁話:
係呀,係呢隻,個餅皮外脆內軟,好好味呀!
 
見佢食得咁開心,自己都開心埋

 

呢晚身邊人因為要出外食飯,得我一個人,
見早前响上海食過一碗咸豆漿,念念不忘,
所以憑住個記憶試整,
雖然有些距離,但總算不錯呢...

一人前晚餐 ~ 咸豆漿 + 蔥油餅