噚日係同班波友嘅 9 月 "月經飯"聚，
咁啱今年咁近中秋，
今次就响其中一個隊員嘅天台 bbq ^^
按佢地嘅 "要求"，
整左兩個戚風同一份排包過佢地食...
再 encore "乳酪味"，同新味道 "可可味"
今次好大膽咁用手脫模，
可可味脫得好不錯 :)
乳酪味就... 可以再好啲囉...
排包方面，
我對巧手又整到條條唔一樣，
老闆又話：咁至夠 homemade feel 麻 (哦...唔該哂 @@)
anyway，佢地大大細細都食得好開心
真心開心識到呢班波友，
02 年盲中中咁跟同事去打左一場排球，
自此之後同呢班人每個月都會見一次面，
當中人數有加亦有減，
今時今日留低嘅都係中堅份子 (連大連細都有20人 ^^)
每年 12月尾我地都會有一個大主題 party，
次次都係笑死收場...
好感恩上天賜我呢班 "超低能、勁搞笑" 嘅朋友，
我地講過，到左 60歲都會繼續癲落去，
唔好比佢停，yeah !!!
成20人一定好熱鬧，想像到那場面氣氛，笑聲一斷！^o^
回覆刪除妳用手脫模脫得好靚呀！我咁耐都未試過的，我驚脫得唔靚...XD
呢班人真係笑聲無限架 ^^
刪除我初初都怕脫得唔靚，但其實仲易同靚過用工具脫... 你下次試下吖 :)
蛋糕同麵包都好靚仔, 20多人真係好熱鬧啊! 祝中秋節快樂. :)
回覆刪除多謝你呀 ^^
刪除呢班人真係次次都熱鬧到爆架... 再祝你中秋節快樂 :)
依家真係能夠保持"長久"既友誼, 真係好感恩.. 好替你高興 ^0^
回覆刪除好靚呀!!2個蛋糕都係17CM??
多謝 c，祝你中秋節快樂 ^O^
刪除係呀，兩個都係 17cm，我分兩日做 :)
中秋節快樂 :)
回覆刪除我又係今晚BBQ, 有排忙 :) 玩得開心D :)
中秋節 同 bbq 係最夾...
刪除祝你中秋節快樂，大家今晚玩得開心啲 ^^
keep到咁多人好難得, 好熱鬧.
回覆刪除祝你中秋節快樂! 人月兩團圓!
呢班人熱鬧到爆呀 :)
刪除大家咁話，中秋節快樂，團團圓圓 ！