2015年4月23日 星期四

文藝 ‧ 台北


台北,
一個久不久會去嘅地方,
一個只需個多鐘機程嘅地方,
一個小休嘅理想地方...
以往都係同一班朋友前往,
主要都係飲飲食食...

上上星期,
無意中見到 CX 機票連稅唔使 1 千, 
好吸引呢...
跟手請示老闆 (因單拖一個),得到批准後,
出票 book 房,4 日 3 夜,上星期三出發!


今次自己一個人自由自在咁周圍去,
行左唔少小店,
坐過唔少 cafe,
過足癮 ^^
响樹我唔詳細打遊記了,
揀出少少自己喜愛嘅地方 ~


"松山文創園區" 
呢度悠悠閒閒咁消磨左大半日,
園內嘅 "誠品生活松菸店",
有唔少家居生活小品,
我愛死了 > <









剛巧週末有個市集,好好逛 :)


另一個喜歡嘅地方 "四四南村‧好丘"
位於 "台北 101" 附近,
一個繁華的鬧區中,卻保留一個寧靜小眷村...





村內有一餐廳 (聞說 bagel 好出名,但我太飽冇試),
餐廳旁亦有販賣東西,食嘅用嘅都有...


好耐冇見呢隻玻璃窗 


每一日我都有留意天氣報告,
呢日氣象局話天晴喎,
好開心咁坐左成粒鐘捷運去 "淡水",
諗住睇日落嘛...
點知... 眼前大霧到喱... @@


行左一陣,
唯有搵間 cafe 坐底 "欣賞" 冇日落嘅 "淡水" 囉 :p


呢間係我嘅小房間


有個小露台


小小浴室,一個人足夠了!


台灣人好熱情,
臨走時收到一份 (最後係兩份 ^^) 嘅小禮物,
多謝妳!老闆話味道不錯呢!


一個人去旅行好自由,
完完全全屬於自己嘅旅程,
除了吃方面單調點外...
有機會仍會再出發!

9 則留言:

  1. 太好啦~ 我申請被拒絕... =.="" 不過, 我仍會繼續申請既!!
    台灣, 我去過, 成日聽人講都好容易行, 又溝通到,會安全好多~ 真係好想一個人去旅行試吓, 太正囉~

    回覆刪除
    回覆
    1. 嘻嘻,我老闆暫時都係批准4個地方比我自己一個人去... 都啱嘅,我玩得開心,最緊要佢都放心吖麻...
      台灣好易 handle,一個女生絕對冇問題... 你唔介意自言自語就得架喇 ^^
      祝你早日申請成功!

      刪除
  2. SORRY, 打漏.. 我"未"去過台灣~ ^^

    回覆刪除
  3. 依個精簡遊記, 一路睇一路投入幻想自己一個人去, 感覺好正, 如果有機會, 我都想嘗試下鍛鍊下^^

    回覆刪除
    回覆
    1. 其實有時自己一個人旅遊,感覺幾得意,因唔使相就其他人嘅同時,你會唔覺意了解自己多啲...
      你只要唔介意旅途時自言自詞就得架喇 ^^

      刪除
  4. 以前...我也常常一個人到台灣,
    每次也是一個人,許久沒去了,想念...

    回覆刪除
    回覆
    1. 想念就去吧!
      我也開始喜歡自己一個人去旅行的感覺... :)

      刪除
  5. 好正呀……我都好想去呢幾度~

    回覆刪除