星野第二包

未有第一，何來第二，
原因係...  琴日嘅第一包失敗左
應該係發酵時間未拿揑得準...

今日再接再厲，參考過班太嘅提示，
星野第二包終於叫做成功左，呼
食譜我都係跟班太嘅







星野嘅包包好有咬口，
煙煙 un un 咁，有少少法包 feel，
唔知其他 blog 友嘅作品係咪咁呢

焗完後請家姐一家人做白老鼠，
食後感係：
家姐，姨娚鐘意星野包，
姐夫就鐘情港式包，
頭號 fan 屎 主人就兩樣都愛

個星野生種仲可以做多兩次，
下次整咩好呢??

繼續 green

响 fb bookmark 左 "green monday" 之後，
接觸多左綠色生活，
可能我平時都唔係食肉怪，
所以綠色飲食難唔到我

琴日因為有飯聚，
唔可以實行 green monday，
唯有今日自行 green green 佢

今晚晚餐 ~
高野豆腐 + 青瓜壽司



其實只要肯素食一日，邊日都得啦，悉隨尊便

星野天然酵母 (生種)

成日見啲 blogger 讚 "星野天然酵母" 正，
終於忍唔住走左去買番包黎玩，
行左兩間 cc super，得尖沙咀嗰間有，仲要係得番最後一包，
即刻唔諗，比錢走人

知道做左生種後唔可以放得耐，
所以計番自己會整包時間至做生種，
終於琴日開工了，
好期待星野第一包喔


呢兩張相係發酵左大約 20 個鐘，呢個天氣，今晚應該搞掂



生種做法：
星野酵母 50g
清水 30度，100g
樽 (己消毒) 1 個
將酵母同水拌勻，
等佢發酵
參考時間：
20 度  48 小時
25 度  30 小時
30 度  24 小時

 

泡菜木耳餃

主人今晚做占，得我自己一個人食飯，
所以簡單啲包左 "泡菜木耳餃" 做晚餐，
順便包多啲留番比主人返黎煮比佢食

好鐘意食呢隻 "泡菜木耳餃"，原因好簡單~ 易整同好食，
泡菜本身都已經濃味，所以啲肉係咁意落少少豉油同麻油撈勻，
再加我大愛嘅木耳，好易咁就有一餐美味嘅餃子餐喇






聽日佛誕，一連 3日假期，朋友約放工後歡樂時光，
以前嘅我一定會出席，今日嘅我竟然興趣不大，
人大左，會嚴選自己身邊嘅朋友，唔會好似以前咁好鐘意一大班人，
同埋，覺得自己嘅時間，係要留番比自己...

酵素初長成

收成喇，我個菠蘿酵素終於可以飲喇
唔係講笑，味道真係好好飲，
除左飲到菠蘿味之外，仲飲到有酒味，
總之就好似飲緊菠蘿酒咁，
剩飲，加水或加冰都不錯，
又有益徤康，大愛呀
而家我同主人每日都喺飯後飲 30ml，感覺良好




仲有兩樽養緊，不過唔知點解我啲酵素冇其他人咁活躍，
呢兩樽仲有4日就收成，但啲泡泡仲係咁少，
anyway，mommy dearest 話只要冇黑霉點就可以







愛上酵素係因為有得玩，又有得飲，仲要對身體好，直情係乜乜出奇蛋呀 
真係好多謝 mommy dearest 嘅無私分享呢

新玩具 + 芝士火腿包 + 肉鬆包

唉，又中招喇，無端端又感冒
呢個春天真係難搞，一日凍，一日熱，加埋落雨，
幾時至可以停?

有陣時有啲野唔知係咁啱，定係冥冥中自有主宰，
話說 2011 年初我開始學人整蛋糕，
確認自己真係超有興趣後而買左個新焗爐，
當時個新爐到屋企時我係病到天昏地暗...

今次又係一樣，玩左烘焙兩年後，覺得需要一個容量大啲嘅爐，
幾經思考後，終於前幾日買左個新爐，前晚送到，
就係嗰日，無端端又唔舒服，不過今次好彩冇上次咁病，算係咁喇...
究竟，係咁啱，定係我以後唔好再換爐呢


言歸正傳，今日雖然仲未好番哂，但好想同個新爐談吓情，
加上最近有家姐一家人包銷我啲包包，所以唔怕浪費呢，嘿嘿...
今次整左兩款 ~ "芝士火腿包" 同 "肉鬆包"，
原因係雪柜有齊料，唔使落街買

呢排我啲包包都係跟 "愛美麗" 嘅 "cream cheese bread" ，
但我冇愛美麗咁好心機用乳酪整 cream cheese，
我用現成嘅，呢款包真係好香好軟熟，主人都大讚


將肉鬆加响 cream cheese bread 裡，然後焗，好味！
(只係肉鬆太少了，下次加多啲)






呢款加左芝士火腿



包包出爐，不過唔知點解佢地啲顏色都係唔一致，
但我都已經開哂上下火 + 風扇，
有冇人可以話比我知問題出左响邊樹?



我嘅新玩具，EO3890A

green monday

今日終於 "的" 起心肝實踐 green monday，
踏出簡單第一步


呢日嘅早、午餐都係外吃，選擇冇肉類嘅食物，
而晚餐就煲左個雜菜湯 (煲左成日)，
呢個湯我成日煲，清甜又有大量蔬菜，
另外再整個 "香蒜蘑菇炒意粉"，









每星期素食一天開始，展開綠色生活

芝士焗肉醬意粉

5月1號假期，見主人冇應酬 (本來有架) ，
晚餐特登整佢鐘意食嘅野 (其實大部份整嘅都係佢鐘意食嘅野啦)
早前見 玻璃朱 整左個簡易版嘅 "芝士焗肉醬意粉，
問佢有冇興趣試下，佢諗都冇諗就話好喎，
緊係啦，佢超鐘意重芝士類食物

今次亦係第一次用朋友送嘅 LC 焗盤，
好，開工!



未放焗爐前，加重芝士份量



焗好喇，好香呀



bonnie 呢個食譜簡單，易整，又好味，主人食得好開心呢



同場加影：
精美白酒
香濃罐頭忌廉蟹肉湯
香甜三色椒





好滿足的一餐                   

酵素初體驗

近期發覺鮮果可製造酵素 (總係慢人幾十拍)
既有益健康，又易做，
但都係問過自己嘅中醫我可否飲用至為放心，
得到佢嘅贊同後即刻買料開壇，
程序跟足 mommy dearest， 佢好有心機教人，
連我咁鈍嘅人都一望即曉

我嘅第一樽，菠蘿酵素
第一次唔敢整咁多，驚失敗...
跟住第二日，第三日，日日起身都望下佢嘅發展，
頭幾日冇乜動靜，打定輸數


一星期後終於見到有泡，好開心呀，
就快可以飲喇



見到成功在望，即刻加碼做多兩種味道
青提同士多啤梨味



好期待喔，兩星期後就有得飲 lu