2014年8月20日 星期三

手打烏冬

 
 
今日整日都天陰落雨,
咁嘅天氣總會令人心情麻麻...
 
打開我嘅 "百寶柜",見到有包烏冬麵粉,
早前買落諗住整 "阿肥牌手打烏冬",
點知拖到今日至開工...
 
未整之前覺得工序好繁複,
但其實成個製作過程都幾好玩,
只係我對巧手响切功方面又發揮得淋灕盡緻,
麵條粗幼不一囉 >.<
 
 
至於口感方面,唔算好彈牙,
我已經用腳去壓平麵糰,
仲要係壓左 4 次...
問題出在那裡呢?
 
 
天色暗,影相亦唔會靚...
哎呀,我今日做咩咁灰呀???
 
精神!!!
 
 

10 則留言:

  1. 可能水問題~ 天氣濕度高都會影響用水份量, ^^ 加油呵~

    回覆刪除
    回覆
    1. 明白,我會再試,不過要食哂呢批先,實在唔可以送比人囉 :p

      刪除
  2. 我噚日都係整咗菠菜麵 :) 哈哈 :)

    回覆刪除
    回覆
    1. 好啱呀,不過我要再整多幾次,今次唔收貨呀 ><

      刪除
  3. 個樣好似有d重濕軟咁, 你的麵糰會唔會好痴粉?
    我每次壓麵糰都好痴手粉, 我加好多, 尤其最後切麵條後, 加慢d都要獨條用手輕輕至分得開.

    回覆刪除
    回覆
    1. 我個麵糰又唔痴手/粉喎... 下次我會再試下壓耐啲,look 薄啲,同切幼啲...
      希望有進步啦... :)

      刪除
  4. 可能水量多了,我見妳的麵條較濕呢^^"

    以前我有個上司,每天一回到公司就好大聲的講 "阿妹精神呀!"
    他的聲音響亮而充滿朝氣,每次我一感到灰灰的,或無緣故的情緒不好,我就會記起他,
    咁多年之後我都總會想住那一句"精神呀!"

    阿肥,精神呀!^^

    回覆刪除
    回覆
    1. 麵條濕會唔彈牙架? 咁我下次試下減水... 我第一次整完全冇 idea, 唔該哂 ^^
      呢排唔知做乜,心情麻麻地,瞓得又唔好,神不守舍咁...
      係啦,我知道喇,要精神呀 )))))))))) 多謝你呀 :)

      刪除
  5. 天氣唔好,心情也受影響,自家製麵條,好味,食多碗心情會好啲!

    回覆刪除
    回覆
    1. 多謝 moonmoon :)
      一於快啲食哂佢,再整過 :D

      刪除