2016年4月16日 星期六

家族大旅行


話說早兩三年前,
老爸對我講過 : "阿邊個邊個人地一家大細去左邊樹邊樹旅行",
我答 : "哦,係呀,咁開心呀",
跟住眼尾 "saau" 下佢,
佢再話 :"如果我地一家人可以去一次就好喇"...

就係呢句說話,我放响心裡面好耐,
因我知難度係極高嘅,唔講其他,只係夾假期都已經夠頭痕,
都未計地方同 budget,始終大家喜好唔同麻...

終於,終於,6兄弟姊妹排除萬難,
加埋佢地嘅另一半,再加幾件要返學嘅小朋友,
一家 18口,今年農曆年終於可以成行啦 ^^

今次我地揀選左台中,5日4夜,
包左一輛 20人中巴,全程載我地周圍去,
不過我地嘅行程係相當悠閒嘅,
台中市 ~ 清境 ~ 日月潭 ~ 台中市,
所以冇乜行程可以分享,只係分享下我地當中嘅喜悅 :)


呢張相係年初四,我地响清境民宿食完早餐,
知道嗰日係新年後第一個工作天,
黎一張大合照响面書同大家拜個年,每人攞住封大利是,
祝大家開工大吉 ^^


呢張係要離開清境喇,
一家人响民宿外小斜路上玩左一大輪至肯上車
(老媽話冇我地咁好氣,自己上左車先 :p)


呢樹係 "高美濕地",一家人响樹望住個咸蛋黃落山至走 :)



清境民宿外景觀


呢樹係 "合歡山",我地清晨 3點幾 4點出發,就係為左睇日出,
可惜當日雲層厚,睇得唔係太清楚...


我地無乜周圍去,所以相影得唔多...

今次成個旅行都係我一個人安排,其實都幾大壓力,
好彩台灣包車公司好幫得手,
行程,食同住宿都由佢地幫我地訂好...

最重要係,原本我只租一輛 20人小巴,一個司機,
但佢地擔心我地唔夠放行李,坐得辛苦,
竟然再安排多一輛 7人車專程放我地嘅行李箱,
多一輛車,當然多一個司機... 
另再加一個導遊全程跟實我地幫我地打點一切,
但 並 冇 多 收 我 地 額 外 費 用!!!

我只可以說:台灣人真的太熱情了,
佢地用真心對待,好好好感動呢!

最後,最重要嘅係,完左老爸嘅心願,
佢嘅 "一個都不能少嘅林家家族大旅行" 終於實踐了,
而我呢件响心裡面幾年嘅 "心事" 亦終於可以放底 lu ^o^


8 則留言:

  1. 嘩, 睇見都開心!
    真係好難得, 大家都有一個好好嘅回憶! 你最乖!
    用公仔代表男女老幼好攪笑呀^^

    回覆刪除
    回覆
    1. 哈哈,你睇得出我按照男女老幼,好開心呀 ^^
      呢次旅行真係好難忘,好難得!

      刪除
  2. 1個人安排!! 嘩, 勁~
    可以一家人去旅行好溫馨啊~ 而且真我好難得!! ^^

    回覆刪除
    回覆
    1. 唔勁唔勁,得我唔使返工,唯有做吓跑腿囉 :p
      今次真係好難得,將來都唔知仲有冇第二次,所以大家都好珍惜,玩得好盡興 ^^

      刪除
  3. 第二張照片中的阿肥好型哈~

    我家人每年都會有家庭旅行,
    我都缺席,就是很難配合時間..
    見到妳的照片分享,好溫馨呀! :)

    回覆刪除
    回覆
    1. 哈哈,遮哂你都認到 ^0^
      今次我地真係好有決心,幾經波折至可以夾到齊人,所以好難得...
      最緊要兩老開心,咩都值得 :)

      刪除
  4. 可以一家齊齊整整去旅行真的好難得,
    淨係夾假期已經好高難度呢!

    回覆刪除
    回覆
    1. 係呀,我地都夾左成兩年幾三年,所以好難得 ^^

      刪除