抹茶雙色戚風蛋糕

一直唔敢玩雙色戚風，點解??

因實在太了解自己喇，

冇耐性、怕煩、粗手粗腳...

點知今朝起身，

腦袋第一個彈出黎想做嘅事，

竟然係雙色戚風 @@

好，就挑戰下自己...

想成品顏色有大啲對比，

選擇左做原味同抹茶 

(係偏心嘅，我係抹茶控麻 ^^)

蛋糕糊入模時聽人講話好隨意就得架喇，

但出到黎隨意到有啲得少少 :p

睇下...

同埋...

分開左兩個蛋糕糊，

唔知點解成件事好似繁複左好多咁...

fold in 時又粗魯左，

搞到個蛋糕又矮，又鬼死咁多窿窿 > <"

我問老闆 ：何解我咁鬼粗魯，溫柔啲得冇?

佢答：下? 全球華人都知你唔溫柔過喎...

我 ： 哦... 唔該哂... 好有鼓勵性囉 @@