洞爺湖 · 北海道

每年 8,  9月係我同老闆嘅生日同週年日子，

近年大家都希望借呢個藉口出去外遊放鬆一下 :)

今年因為老闆 8,9月太忙關係，

呢個外遊改到 10尾至可以起行，

目的地決定係北海道，

因可以睇紅葉、銀杏... 

食地道日本菜同飲最愛的清酒 (酒鬼)，

仲有仲有，我最最愛嘅浸溫泉 ^^

為左令老闆儘量休息，

今次 8 日旅程只會去 3 個地方，

札幌 ~ 洞爺湖 ~ 美瑛 ~ 札幌

洞爺湖嗰間溫泉旅館有免費 shuttle bus 接送，

所以只會响去美瑛嗰段自駕 (3天)...

不過，估唔到呢個咁 hea 嘅旅程都充滿着驚喜，

仲有驚險添  > <" (呢段容後再談)

好，睇相喇 ~

洞爺湖我地住响湖邊嘅旅館，呢樹係酒店大堂

我地房間外景色，當日天色麻麻

兩日早晚餐都係旅館裡食，唔使煩

今次我地飲左唔少靚清酒，

仲要揀貴價嘅黎飲，

因為真係平過香港好多，

咁... 冇理由唔飲架麻 :p

兩晚都係食懷石料理，呢啲小葉係料理裝飾，

我忍唔住帶左佢地番香港 :)

食完飯再對住個湖浸溫泉，大愛！

早餐望住呢個景，很不錯 ^^

到湖邊逛逛

天色開始轉晴，房間外嘅洞爺湖 ^^

太陽開始下山了，其實當時只係 4 點多

一地都係落葉

响洞爺湖 hea 左 3日2夜後，

跟旅館 shuttle bus 番札幌攞車自駕去美瑛，

美瑛呢段真係充滿着驚同喜，

詳情下回分解 :)

綠茶芝士蛋糕

前文提及好友由美回港渡假，

踫巧今日係佢生日...

一直以黎佢從面書見到我嘅手作仔，

一直喊住話要食，

上星期煮左個海鮮餐比佢吃，

今日再整個生日蛋糕送比佢...

為左確定佢鐘意食邊款，

我响面書裡睇番佢比我嘅留言，

發現佢對綠茶芝士有一定程度嘅喜愛...

咁就好商量喇，最怕佢喜歡忌廉蛋糕姐 :p

仍然用蒸焗式嘅方法，

口感水潤啲 :) 

生日飯後給她一個驚喜，

原來呢個係佢人生中收嘅第一個自家制蛋糕，

見到佢好開心，我都一樣 ^^

happy birthday to you dear xx

老友飯聚

上月底老友一家三口由美國返黎渡假，

指明要吃我嘅私房菜，

皆因佢 10 多年前離港時我係一個無飯主婦，

奇怪今日嘅我變成一個愛入廚嘅 C9...

約好日子，人數 8 位，

嗰日由早忙到夜晚，

總算順利，

大家都食得開心，無野剩底，

飲得又開懷，

傾到半夜至肯走，大滿足 ^^

醉蝦

麻辣口水雞

油鹽水花甲

胡椒蝦

刴椒蒸魚雲

清蒸奄仔蟹

清湯蘿蔔炆牛腩

仲有 ~

上湯西洋菜，

鵝油有味飯，

甜品 (兩款芝士蛋糕)

不過無影相 > <"

呢個老友其實係我舊工作嘅老闆，

我好幸運曾經同佢共事過，

一個大我 5 年嘅女上司，

那些年同佢衝鋒陷陣，

好辛苦好大壓力，

朝 7 晚 11 嘅日子確係難以忘懷... 

記得佢造了舉家移民嘅決定，

我不知哭了多少遍...

今日嘅我地，一早已由上司下屬變為好朋友，

所以只要佢返黎香港，逗留幾耐，

我儘量都會預留時間比佢 :)

士多啤梨乳酪戚風蛋糕

今日老闆放假，

同佢飲完茶就去左花墟行轉，

事源我啲植物突然一齊病哂，

啲葉有白點外，仲有超微型黑色生物 > <"

花檔老闆話少事喎，噴啲殺蟲水，

同唔好淋太多水就冇事架喇...

跟住番屋企就好狠心咁煎哂啲病葉，

本來好熱鬧嘅 "my little garden" 變得冷清清 lu :(

無法啦，剪莖再黎過，

再同佢地開枝散葉!!!

下午茶時間到，見老闆仲好忙咁做花王，

我就打開雪柜睇下有咩响樹，

見到有盒士多啤梨乳酪就黎過期，

就用佢黎整個戚風蛋糕啦，老闆至愛 ^^

再沖杯香濃咖啡，讚呀!

不過呢個戚風士多啤梨味唔太出，

下次唔使特登買黎整 lu...

9月

每逢 9 月份，因生日同結婚週年原故，

飯局定會不少...

上週六，好友們安排左私房菜館嘅 bbq 同我慶生，

一行 17 人，又飲又燒又傾，

好熱鬧，好開心...

當晚我帶左幾個自家製奶皇月餅同佢地賞個早月添 :p

今日，同老闆 16 週年嘅日子，

老闆同左我去 "田舍家" 食爐端燒，

想黎試好耐喇 ^^

訂位時特別要求坐呢張枱，

望見不少時令嘅食材，

同日本帥傅以純熟手法即燒，

感覺好正！

呢兩個禮拜飲左唔少，

今晚同老闆係咁意叫左一支 500ml sake 就夠了

之後 order 左幾樣野，

最先黎嘅係秋葵，真心的，

未食過燒得咁 juicy 嘅秋葵，好好味！ 

我地後黎再叫多一碟 :p

一隻帶子，可切成 4 片，

好鮮味，我連啲湯都飲埋 XD

跟住每人一隻蝦，

唔老，啖啖肉，

但可能蝦不是我最愛，所以感覺不大 :p

呢隻菇係日本師傅推介，

佢話係最時令，

真真沒想到佢可以咁 juicy 咁好味，讚！ ^^

燒蒜頭，不過不失

燒和牛串，我唔食牛，

老闆話好香，但略漏...

燒長腳蟹，啱啱好，

一個字，超正呀！

最後仲叫左一客蟹肉蒸飯 

(當時已經幾飽，但見到隔離叫左，好香，未唯有照跟囉) XD

份量唔多，好香蟹味，

最後都係忍唔住食哂 (無眼睇)

好鐘意呢樹，除左價錢外，

食材新鮮，簡單嘅調味，

帥傅又燒得剛剛好，大愛！

又大一歲喇，

生日願望都係身體健康啦，

無論識我嘅人，或我識嘅人都一樣...

今年加多個，

好希望... 呢個世界能夠多一點愛 :)

奶皇月餅

一個月前陸續有朋友問我今年整唔整月餅，

其實呢... 整月餅呢家野... 我真係麻麻地嘅...

拖下拖下，噚日終於的起心肝，

買齊料黎個小量製作，

今年只係送比好想食嘅朋友，

實行小食多滋味...

點整都係又裂又象腳，

唯有又同自己講 homemade 係咁架喇 :p

黎個近鏡，唉... 無眼睇... > <"

好彩味道不錯，

今次做唔到 "樣靚身材正" @@

包裝好就出街喇... 今晚有 bb蕉聚，

帶幾個出去比朋友淺嘗同賞個早月 :)

噚晚帶左啲返奶奶樹做節，

奶奶放埋老爺個神枱前同佢講：新袍整架，

當刻真係有啲感動 :)

我真心覺得幸運，除了老闆疼我外，

老爺 (以前) 同奶奶都好鍚我，

感恩！

my little garden (跟進版)

記得今年 3 月寫左一篇 "my little garden"，

今日想 update 下班植物的近況，

幾開心架 ^^

當時小貓 3, 4隻，今日熱鬧好多喇，

早前同老闆行花墟見到呢個架，好鐘意，即買 :)

呢幾盤本來水種嘅，

之前永遠都係唔死但勁起勁咁囉，

自從放佢地入泥種，

開心到佢地呢，

由超淺綠葉變成而家咁深綠，仲係咁標新葉出黎，

下面嗰盤新放，希望快啲好以上面兩盤咁啦 ^^

呢個架係响日本搬番黎架，記唔記得呀??

最令我開心嘅係薄荷仔同 basil，

之前佢地好瘦弱，而家靚仔哂喇 XD

上網參考左不同意見，

我地一兩個月前同佢地換過哂啲泥，

因為會修剪黎煮食，

所以我地同佢地換左包有機泥，

同將佢地放出花槽試試，

結果佢地好開心，

唔再只標高唔長肉喇...

呢張係上個禮拜影嘅，

當時已經好開心佢地終於健康地成長

呢張係今日影嘅，佢地肥仔到差唔多見唔到啲泥呀，

好健康呀 )))))

basil 都好努力地長肉，

等佢地再高啲就會同佢地開支散葉架 ^^

每早起身同佢地續一打個招呼，

傍晚就傾下計，問下佢地返學學左啲咩，有冇野投訴咁囉，

佢地開心之餘我又開懷 (我係咪傻左) ^O^