滑滑燉蛋 ‧新成員 (miele)

 

 

考慮左大半年，終於...

 

上星期家裡多左個新成員 (miele 蒸爐)，

有左佢之後我每晚都好輕鬆咁做飯，

整體黎講每晚都只係用半個鐘連洗連煮，

真係超方便我呢啲煮飯唔叻嘅人...

 

有時候，老闆出差得我一個人開飯，

以前就一定唔會落米煮，

但而家半杯米都可以蒸，

啱哂我呢啲飯桶 ^^

 

我試過蒸蟹、蒸魚、蒸水蛋、蒸瓜菜，

白飯、有味飯都係用佢黎蒸，

較好時間，一次過蒸，

一齊蒸好熱騰騰上枱開飯，真好！

 

 

今晚又整左燉蛋做飯後甜品，

唔使睇火就有滑滑燉蛋食，

老闆食得好開心，滿足！

 

 

 

 

老闆近年多應酬，成日大魚大肉，

為左佢嘅健康，

佢返黎食我都係主力蒸煮比佢...

 

所以，新成員黎左我屋企後，

見到老闆每次都食得開懷、健康，

呢個新成員係值得投資嘅 :)