我又重生喇！
係咁嘅，話說過年前年廿五嗰日覺得喉嚨有啲怪怪地咁，
嘩，我呢啲藥煲梗係唔敢唔理啦，嗱嗱林去左睇醫生，
好乖咁食藥休息等好番...
因為除左農曆年到外，
大年初二仲有一個我負責嘅 "18口家族旅行" (呢個容後再分享)，
所以真係不能夠比自己病架嘛 >.<
到左年廿九，大年初一，自問仲係呆呆滯滯，
老闆話唔緊要啦，放鬆啲，
個旅行嘅安排你已經做哂，到時煮到黎未食囉...
點知大年初二出發嗰日唔知邊到黎嘅精神，
好精伶咁一家人齊齊整整咁出發，
一路上都好精神咁打點到回程嗰日 (年初六)，幾叻叻呀！
就係落機嗰晚，"成副計" 又再 lum 左...
第二日再去睇醫生，醫生話 : 你嘅感冒 a 未好番，但又遇上感冒 b...
吓?! 唉... 何其熱鬧，就係咁，我由年初七一路瞓响張床，
瞓左足足一個星期，真係好辛苦，好難受...
今日，終於精神番好多喇，
我知道你地心底裡都有少少擔心我去左邊，
所以好番啲啲即係報個平安先 ^^
講住咁多先，响樹一次過祝大家猴年身體健康，龍馬精神！
兼今日又係元宵節，祝大家一家人齊齊整整，同身邊人甜甜蜜蜜 ^O^
近日天氣仍然乍暖還寒, 要小心身體啊!
回覆刪除哈哈! 見你無update, 我都估你可能出咗門去玩, 帶18人團一定好熱鬧^^
呢排啲天氣真係玩屎人，遲啲又話黎多次寒流，聽到都怕怕...
刪除你都要小心身體呢 ))))
好多人病呀！我都係其中一個...XD
回覆刪除好彩妳旅程中好精靈，唔係就辛苦了。
快d好返啦！
多謝 allie ^^ 我好番好多喇，你都要保重呀！
刪除果七日你既小宇宙爆發晒,,, 完成任務即再LUM... ^^ A,B一齊入你呀! 哈))
回覆刪除不過安排18人既大旅行!! 你真係好勁囉^0^~
阿肥, 依排天氣都唔隱定, 你好番少少都要留意留意啊~ 加油~
係啦，AB一齊黎，幾熱鬧呀 ><
刪除大家都要小心保重身體呀！
好好保重, 休息多些
回覆刪除多謝班太，我好番好多喇 ^^
刪除hello阿肥..新年快樂! 猴年身體健康..繼續環遊世界呀:)
回覆刪除陰功! 依家勁多人流感~你遊走完都要好好休息! 快d好返呀
3月又話有寒流啦! take care
hello yanomi, 新年快樂！
刪除繼續環遊世界 --> 好呀，我真係坐唔定架，尤其近年嘅氣氛，出去抖氣舒服啲 :)
係啦，又話有寒流，大家真係小心身體呀 ！
安排18人出遊好不簡單呢，妳好叻！
回覆刪除回歸後是時候放鬆自己了，Take care arrr!!
多謝你 angie :)
刪除完左個大 project， 終於可以放鬆了... 最近咁嘅天氣，大家都要小心身體呀！