呢幾日真係好好好好凍，
我直情覺得凍過落住雪嘅北海道...
香港凍起黎真係唔係人咁品 >.<
天氣凍好自然會諗起某啲食物，
鴛鴦腸卷係我個 list 嘅其中一種，
好彩屋企有包大白菜粉，
想食就即刻開工...
呢幾個蒸籠係朋友送嘅，
兩個一籠，唔使迫 :p
潤腸就唔敢整太多，
少吃多知味麻
另一抵禦嚴寒最佳食物，莫過於打邊爐，
噚晚响屋企同老闆、朋友黎個海鮮兩層塔 + 粥底鍋 ^^
蒸鍋真係食得好慢，呢餐食左 4 個鐘，
啱哂對付我呢啲食野快嘅人，
佢嘅進度帶領住我嘅節奏，冇得急，真好 :p
飯後再整個 "椰皇燉蛋白" 比佢地潤一潤，
好滿足，好溫暖嘅一餐 ^^
我都未見識過咁凍嘅香港, 今朝5度有陽光感覺無咁凍, 所以落咗公園做氣功, 天氣寒冷空氣特別好.
回覆刪除成品好白好靚呀! 可惜我家附近唔見有售大白菜粉.
你個"海鮮兩層塔+粥底鍋"一定好好味, 諗起一直想去試的潮福蒸氣石鍋^^
今日有太陽舒服左好多 ^^
刪除大白菜粉做中式包真係幾好，你試下响街市裡啲小舖問下...
最後個粥好正好鮮味 :)
個蒸包好靚啊! 搞到我好想飲茶TIM~ 哈)))
回覆刪除我都係食野好快既人~ 蒸海鮮一定好鮮甜,, 正啊!^0^
臘腸卷 + 一杯中國茶，perfect match!
刪除係呀，我腸胃唔好，中醫成日叫我慢慢吃... 咁多年嘅習慣好難改... 所以蒸海鮮真係冇得急 :p
肥嘟嘟巧可愛^^
回覆刪除我都好鐘意嘅佢地 :p
刪除蒸煱真係好慢的，但味道好鲜甜，
回覆刪除妳有冇整粥底呀？我流口水中:p
有整粥底呀，其實我整呢個蒸鍋最大嘅目的係碗粥，真係鮮甜無比 XD
刪除我中式好差，次次都搞到皺皮同豆皮架..矛得救！ >.<
回覆刪除阿肥，唔知點解..我好鍾意妳呢種對待家人朋友的心情，
相信能成為你的朋友一定很幸福！ :)
多謝你 angie ^^
刪除我只係希望身邊嘅人都開開心心 :)
我最鍾意食臘腸卷！好耐無食過喇～ 如果好似你咁識整就好了……
回覆刪除猴年祝你繼續同老闆甜甜蜜蜜，身體健康啊～
多謝你 daphne，你都要一樣，同陳生，小D都身體健康，小D越大越乖巧，同陳生繼續 sweet ^^
刪除臘腸卷真係無得輸，好鬼鐘意食，尤其係凍凍地...
唔緊要，唔識整咪出街食囉 ^^
阿肥, 預祝你元宵節快樂! 身體健康! 合家平安! 萬事如意!
回覆刪除多謝葉太 ^^
刪除大家咁話，最緊要身體健康，平平安安！