早前見 blogger c chan 整左糖漬橙皮麵包，
而我老闆對有橙味嘅制品零舍鐘愛嘅，
就咁噚日出左去 cs 富澤買番一盒看門口先...
之後經過水果部份，見到有血橙呢樣物體，
就記起早前响網上見有人用過黎整戚風，
見佢細細個，我又買左兩個黎試下...
不過咁喎，雖然個血橙細細個，
但水份超多，橙味又香濃，
我連啲橙皮，橙肉都唔放過放埋一齊焗，
好奇怪，血橙嘅汁原來好深色嘅，
但做左蛋糕後唔見左...
切件比老闆試下先，
佢好鐘意呀，佢話個橙味好突出，
而且咬到啲皮同橙肉時更好味喎 ^O^
我最近好放肆呀，
竟然又買左支甜忌廉看門口，
而家食戚風...
抑或食窩夫都唧啲一齊食，
好大件事囉... 我... @@"
今日嘅早餐 ~
焦糖香蕉窩夫 + 士多啤梨果醬，全自家制，
再配杯啡，食得好放肆，但好開心呀 (冇眼睇 :p)
嘩))) 超吸引~ ^^ 我去過沙田富澤都唔再見有呀... >_<
回覆刪除血橙我近排都食緊! 好鬼正~ 我又要跟下係整血橙雪芳先 \^0^/
個cream都唔係好大舊.. 唔緊要啦!!!
我响尖沙咀富澤買架...
刪除啲 cream 我就住唧咋，真係唔敢咁大舊，少食滋味啲麻 ^^
偶爾放肆一下無所謂啦哈哈
回覆刪除好多時我都係，吃左先算...
冇眼睇～Y(^_^)Y
係嘅，偶爾放肆一下當獎勵自己，只怕越黎越多藉口獎勵自己姐，哈哈 :p
刪除堅冇眼睇呀 ><"
食完先算啦, 記住食件好味嘅嘢, 肥都抵, haha :)
回覆刪除咁又係喎，最緊要好味道，唔係就唔抵啦 XD
刪除我未試過血橙的，佢個樣好似西柚，我都好想試吓呀:P
回覆刪除我都係第一次，佢香濃好多，貴啲都值得 ^^
刪除