我同老闆都喜歡食秋葵，
年頭買左包種子諗住自家種，
點知冇左件事，
終於兩個幾月前醒起將種子落泥...
每日都望下佢地有冇生長，
日日望日日諗點解仲未有喜嘅?
終於前兩星期發現佢開花，
知道開花就會有結果...
真係架，朶花謝左就會出秋葵架 ...
(不過開花同花謝係好短時間，幾個鐘嘅事，所以 3 次都影唔到)
呢隻就係我地第一隻自家種秋葵喇 ^0^
超級開心呀，跟住同自己講，
得一隻，睇黎要切薄片，然後炒蛋，
珍而重之將佢成為一味餸菜 :D
呢隻係第 3 隻，好 bb (第 2 隻唔記得影 :p)
近鏡好多毛毛 (巧打意呀)
不過可能我地比佢個環境唔夠寛敞，
所以秋葵數量好少，
住新界村屋嘅朋友同我講佢嗰盆多到食唔切喎... @@
唔緊要，自家種，多與少，都好開心，食得放心 ^O^
嘩!! 自種, 勁~
回覆刪除佢地長得好快既咩!? 食唔切~ =.= !?
係呀，住新界嘅朋友話佢地生長嘅速度好快，快到食唔切囉...
刪除但我嗰啲就慢速...
不過可能都同氣溫有關，跟據網上資訊，秋葵較適合夏天栽種 :)
(((拍掌)))
回覆刪除的確,有收成已經好開心
果實BB時期真係最靚最好睇, 每日睇極都唔厭
*見花槽仲有位置可以放多幾盆播^^
哈，我個 little garden 本來由室內栽種，變成而家內外都 full 哂...
刪除唔關花槽事，係放佢嘅花盆大細...已經買好大嘅花盆架喇... 睇黎又要再物色更大嘅空間比佢囉 ^^