牛奶小餐包

作品非常冇新意，

但就是喜歡佢簡單，

搽果醬，cream cheese，

或加上食極都未厭嘅蛋沙律，

絕配！

唯獨今次試左網上推介嘅 "簡易麵種"，

用手搓麵糰好快搓出筋膜，

出品亦好軟熟，

不錯 ^^

紫薯戚風蛋糕

噚日兩個家姐，家姐朋友黎我屋企開茶會，

茶會要有野招待團友架嘛，

就係咁用埋包剩底嘅紫薯粉整左個戚風...

我呢個 "天才" 一心以為以紫薯粉代替部份低粉就可以，

點知整個蛋糊時就知 "瀨野"，

個糊杰到呢... =.="

於是乎胆粗粗一路加牛奶，一路目測個杰度，

都唔知加左幾多落去 @@"

見好似 ok，混埋個蛋白霜，入爐焗...

好彩個結果都食得落肚，

係過濕潤囉...

好多窿窿呀 > <

不過個紫色又不錯喎 :p

茶會除左戚風外，仲有預備左

"鮮蝦紙米卷'、

"parma ham 包蘆荀"、

"意大利包"、

"洛神花茶、同香濃咖啡"

四個女人，一路食，一路傾，

開左個馬拉松茶會，

天光食到天黑...

希望咁嘅陣容嘅團友，

到時會和氣地玩，瘋狂地買，盡情地食啦啦啦...

牛奶煉奶小餐包

今晚有聚會，

好友指明想食小餐包...

今次我加左煉奶，

出爐嘅時候成間屋好香奶味 :)

見到啲包包圓碌碌、

脹卜卜，好可愛！

烘焙真係會令人心情變好 ^O^

紫薯小卷

包紫薯粉仲有兩次，
再用佢黎焗包包，
今次整小卷，
細細個，好喜歡！

麵包我鐘意冇餡，
鐘意食咩就搽咩，
所以我嘅喜好其實都好局限自己嘅出品...

常見其他 blogger 整好多好靚款式嘅包包，
每次見到就手痕，
但整完又食唔得多，
始終最愛 plain 嘅麵包，
尤其係小餐包 :)

我仍努力回復自在中，

對有關方面嘅消息還是採取盡量 "拒絕接收" 嘅態度，

係有點 "鴕鳥" ，

但自已嘅身體還是較重要嘛...

因近月睇中醫都話我成個人繃繃緊，

叫我要自行放鬆，

只有我自己至可以幫到自己...

所以，我仍需加油 :)

近日响 "面書" 看到這篇文章想跟大家分享，

源自 "常霖法師"

"香港社會這幾個星期以來出現的問題，

導致很多人感到不安和擔憂，

最近收到不少信眾的訴苦，

和詢問安心的辦法。

我認為現時大家最重要的是照顧自己的心，

不管立場如何，

對每天發生的事只需知道就好，

不要持續追看有關的新聞報導和網上訊息，

因為這樣只會不斷灌溉心中憤怒和不安的種子，

會變得越來越偏激，

進而導致家人和朋友之間的不和。

只要我們在生活中持續禪修的練習，

那怕只是把心念回到注意自己的一呼一吸，

就可以提升自己的覺察能力，

不容易受外境所困，

令自己的內心回復本來自在的感覺，

才能繼續為自己相信的目標而努力。"

菠蘿包

早前見 allie 整 菠蘿包，

心癢癢想整，

一路拖到今日，

終於開工 :)

瞓醒打粉，

終於响 3 點 3 前搞掂，

香港人嘛，

3 點 3 緊係食菠蘿包啦

偶爾放縱一下吧 ^^

紅棗雪耳糖水

天氣明顯轉涼了，開始乾燥...

老闆北上整天晚上回來，

頻頻撲撲，

雖唔需要預備晚飯，

但總想為佢做點吃的...

"紅棗雪耳糖水"

清熱滋潤，紅棗又可養血安神，

希望老闆可以有覺好睡 :)

最近應該有好多香港人食不好、睡不穏，

包括自已在內，

唯有多吃點甜，心情會好點 :)

一起加油吧！

臘腸滑雞蒸飯

今年生日好友 k 小姐送了個 LC oval 比我，

記得送嘅時候係正值颱風 "海鷗" 襲港差不多要掛 8 號風球當晚，

風雨交加，加上個煲好重，

佢都親自踩住高踭鞋送黎，

見佢時係左手 LC，右手蛋糕 + 雨傘...

我當刻真係感動到不得了，

所以，我形容佢份心意係開心過收鑽石呢 

(不過其實我對鑽石係麻麻地) ^^

雖然粉紅色唔係我杯茶，

但總算唔係大紅大紫刺眼嘅顏色系列 :)

 收到後直到今日，

因為佢嘅容量好啱我，所以佢嘅使用率相當高，

燉湯、蒸有味飯、炆餸，

好幫得手 ^O^

今晚同老闆兩個想簡簡單單，

就買左半隻雞，放兩條臘腸，兩杯米，

入蒸爐半個鐘，搞掂！

响超市見到有椰皇，

就買個返黎整 "椰皇蛋白燉鮮奶" 做飯後甜品，

蒸完飯後放佢入去，

食飽飯坐陣啱啱好有得食，

好滋潤，好好味 ^O^