話說上次日本遊返黎後，
薄荷仔好似病病地咁，
好多黃葉，啲枝又"軟賴賴" ，
總之就係了無生氣... > <
觀察左幾日，有一晚，的起心肝搏一鋪，
將所有枝剪落黎用水浸，
長嘅分兩段，粗壯同幼細嘅分開兩樽...
分家之後 ~
一星期後，結果...
唔錯呀，粗幼家族都有根出 :)
以前用泥種好多時會有黃葉，
但用水浸後反而少左好多 ^^
最開心嘅係响啲截枝位都有嫩葉出 ^0^
多謝 blog 友 tabi 提議我試下用水種，
原來效果真係幾好，
薄荷仔而家每日都健康成長，
同易打理之外，
仲少左好多嗰啲超小蚊芝出現添 XD
很好啊！我又要試下浸，其實我之前都浸過，但唔知點解唔出根仲軟晒...>"<
回覆刪除我明天再試過^.^
再試下吖，真係唔錯，少左好多黃葉之餘，又少左蟲蟲特工隊...
刪除太長嘅可分段浸架...
點解我唔得既!!!!?? 我之前既已經死左~ 之後我再買PACK番黎浸, 有D死晒, 有D又就死咁!!! 係咪唔可以一樽浸多枝? 晒唔晒得太陽??
回覆刪除唔得???
刪除我都係一家大細將佢地分開兩樽，所以一樽裡面都有好多枝...
你浸前有冇再剪下個莖? 如冇，我估可能買番黎個莖口已經有啲枯左，你再試下吖...:)
我放响窗邊，最多日光嘅地方囉...
我買番黎都有剪莖, 但浸多2日就開始死啦...
刪除我尋晚再剪D, 飛晒D就死既,, 而家得2支仔!!!! ... 希望好D啦~
即係要直接晒陽光???
我冇刻意比佢直接曬陽光，我放窗台位 (室內)，如果晴天都會曬到嘅...
刪除但上個星期日日都落雨，佢地都有出根...
唔好灰心，再接再厲 ))))))))))))))))))
見到薄荷仔咁健康我都好開心呀！
回覆刪除好似係要修剪吓／摘芽先會生得多分枝。
我而家都試緊屋企嗰棵植物仔，剪咗佢個頂就會喺左右生返兩個新芽出嚟。
你得閒修剪吓，薄荷仔就會好茂盛架啦。
係喎，我嗰啲頂部嘅截枝位都有新芽出，咁睇黎真係要久不久同佢地修剪下... 唔該哂，你又提醒我喇... 我成日唔捨得剪佢地，原來相反佢地反而仲茂盛 ^^
刪除你都係用水浸?
我以前都係，覺得生咗佢出剪咗佢好可惜，後來上網睇得多先知，有啲係要修先生得靚。
刪除我嗰盆係叫baby's tears，用泥種。我都係試吓剪吓佢一兩條睇吓佢點，因為佢仲細盆，未有太多感情XD。見佢修咗嗰啲真係會一開二咁出新芽，咁我就將啲生得太長嘅就修吓佢，希望佢生得密啲。
baby's tears, 未聽過呢，有機會你唔介意影張相睇下吖 :)
刪除我嗰盆仲好奀，得一兩條睇唔到佢個得意樣。
刪除http://www.mygardenlife.com/uploads/2011/10/5974_9.jpg
佢好生得好會好似上圖咁一個波咁架，我上網睇佢仲會開白色小花，但佢無特工隊我已經心滿意足。
好可愛呢 :) 祝你栽種成功！
刪除我又學你地張放响雪柜的薄荷葉浸水試下.
回覆刪除唔好意思，overlook 左你個留言添...
刪除點呀，有冇將啲薄荷葉浸水呀? 效果點呀?
同你一樣標高, 吸水力好強勁, 好多根2日就見底.
刪除