15 週年遊 ‧ 沖繩本島 (上)

今年難得我同老闆都記得結婚週年，

仲要係 15 週年添，

雖然我地兩個都唔係嗰啲乜乜物物都要慶祝嘅人，

但今次大家都覺得應該要重視一下:p

最初本來計劃去北海道，

但前前後後得 6 日，

去北海道實在浪費左張機票 ...

於是乎上網搵資料，

比我發現 "終端之濱 (はての浜)" 呢個地方，

佢位於沖繩其中一個外島 "久米島"，

見到啲相癲左咁好想去，

再加上對上一次去沖繩已經係 6 年前，

大家都好鐘意呢個地方，

悠閒、自在，啱哂我地呢啲老人家 XD 

今次呢個旅程，

除左 "終端之濱" 同 "壺屋やちむん通"之外，

完全冇計劃可言，

景點一律略過 (因上次都差不多去過哂)，

兩個人決定行到邊食到邊...

天氣方面，當時有個強颱風 "鳯凰" 响沖繩外圍經過，

所以嗰幾日天氣陰晴不定，

呢刻曬到你燶，嗰刻又烏雲大雨 ^^"

好，睇相 ...

那霸酒店外景色

 "壺屋やちむん通"

好喜歡呢條陶瓷街，

每間店都有自已嘅特色，

有充滿傳統色彩，亦有不少精巧、可愛嘅小制品，

我都忍唔住入左啲貨 ^O^

行完 "壺屋"，出番 "國際通"，

再入一啲橫街搵野食，

發現呢個 "暖暮" 拉麵，

即刻 order 杯啤酒降降溫，

跟住拉麵同餃子，

好好食 ^^

食完麵再閒逛附近啲小巷，

喜歡小巷裡有唔少有特色嘅小店...

當中見到呢間 cafe，

我地兩個咖啡怪二話不說就入左去 :)

小店內悠閒自在，

同老闆坐左成個鐘，

飲杯咖啡食件蛋糕，超寫意 :)

9 月尾嘅沖繩都係好熱，

中午都有成 30幾度，

嘆完杯咖啡後返酒店小休，

小休完响酒店頂樓餐廳食週年晚飯，

然後要早啲休息，

因第二日早機飛去 "久米島" 去會我最期待嘅
"終端之濱"，yeah !!!