今晚家姐姐夫們，
一行 7 人上黎我樹食飯 (連我同老闆共 9 個 @@)，
為左呢個 "龐大飯聚"，
由諗菜單，預備，程序安排，
呢幾日個腦都係咁轉...
終於，8 餸 1 湯終於都順利完成 (呼！)
甜品方面，客人們尤其指明要凍吃，
見最近 lady m 咁熱鬧，
整番個 a 貨玩下先，
咁難得一班白老鼠唔介意幫我試味麻...
我呢個綠茶控，緊係整綠茶味架喇 ^^
外型有待改進
白老鼠食評，綠茶味可再濃一點 (收到！)
頭先洗碗時，
老闆話唔准再接呢啲 project，
佢話唔想再見到我每次飯聚都 "日思夜想" 喎 ...
(其實鬼叫你老婆我水皮咩，叻嘅點洗咁傷頭腦吖 XD)
好勁呀阿肥~!!!!!!! 賣相好靚啊~~
回覆刪除多謝你呀 daphne ^^
刪除唔勁唔勁，呢個cake唔難整，只要有耐性就得架喇 :)
HAPPY SATURDAY阿肥
回覆刪除woow...堅掂! 好靚呀
happy saturday yanomi ^^
刪除多謝你呀，個 cake 外型可以再靚啲嘅 :)
強啊! 8餸1湯!!! ^^ 仲要有甜品~ wow~ 不得了!!
回覆刪除比我都會成日諗整咩好, 點整...... 哈)))
哈... 真係諗到頭都大... 接得就想做到最好吖麻 :)
刪除所以老闆唔想再有下次 :p
最近呢個大熱呀，好多人排晒隊都要食。
回覆刪除其實自家製咪仲好，唔洗排隊而且味道最合自己胃口，嘻^o^
我家也有抹茶怪，佢見到一定雙眼發光:P
係囉，又要排隊仲要價錢相當...
刪除你都整吖，唔難，但要大量耐性同心機... 我直情挑戰自己嘅極限 :p