2016年1月22日 星期五

car camping



上星期六日同波友去左個兩日一夜嘅 car camp

人生第二次露營,
上一次已經係中學時代了...

今次再提起興趣係因為可渣車去到營地,
免卻負重走路到營地嘅苦況,
諗起當年要攀山涉水 3 個鐘至去到營地,
今時今日實在係可免則免了 ...



當日天氣好麻麻,
天陰,有雨,氣溫相當清涼,
到營地後,我地幾個冇乜經驗嘅成年人手忙腳亂咁起營,
終於踫踫撞撞下 set 好自己嘅範圍...

跟住就煮下野食,傾下計,飲下酒咁囉...
對住片大草地,個腦自然就會放空,
時間過得好快...


入夜後,晚餐我地打左個海鮮邊爐,
材料都算豐富架
(三點蟹、蝴蝶蚌、花甲、肥牛、黑豚肉、丸類...)
最後加半杯米,變成了海鮮粥,
個胃暖哂個人冇咁凍,好滿足 :)


雖然半夜落左場大雨,但總算冇變落湯雞,
第二朝仲有雀鳥聲做鬧鐘,
簡單梳洗食埋早餐就慢慢收拾回程...

car camp 嘅好處就係咩都放哂响車裡,
唔會因為重而考慮帶與唔帶,
我地仲決定响春天前會再安排多一次,
希望到時天氣會好過今次啦 :p

8 則留言:

  1. 好似好正啊,我從未試過露營的...XD

    回覆刪除
    回覆
    1. 哈,我都係試過兩次咋... 另一種體驗囉 :)

      刪除
  2. 我都係中學時代玩過露營, 果時真係咩都唔怕....
    依個car camp 環境睇落好好, 最緊要有管理, 安全感大增, 玩得開心瞓得安心^^

    回覆刪除
    回覆
    1. 係,中學時代真係唔知驚... 而家咩都要考慮一餐 :p
      露營黎講,呢樹真係好唔錯,沖涼,廁所樣樣有...

      刪除
  3. 之前都睇雜誌介紹過, 當時都覺吸引呀! ^^
    有車, 就可以帶多d野,方便d~ 哈))
    煮野食位置都係自己set?

    回覆刪除
    回覆
    1. 場地有提供燒烤 / 煮食區...
      大會不準許在草地上生火煮食,放上枱上例外...所以我地 set 哂枱櫈,在枱上打邊爐 :P

      刪除
  4. 想起那些年的日子,真係胸口掛住個勇字!
    當時的營地大多數在森林內,非常幽靜,
    我地幾條友攀上涉水幾粒鐘才能夠到達目的地,
    物質供應有限,入夜後很多昆蟲動物叫聲,又多蚊,又黑...
    現在想起都怕怕!! >.<
    car camping 太幸福了。
    我好鍾意呢種戶外活動.

    回覆刪除
    回覆
    1. 係囉,諗番年少時嘅"勇敢",真係要比個叻自己...
      你鐘意就去啦,cap camp 方便好多,最緊要安全麻 :)

      刪除