紅茶雪芳蛋糕

呢排沉迷整雪芳蛋糕，
因身邊唔少人都鐘意食，
但就一直都搵唔到一個 17cm 嘅鋁模，
市面嘅唔係 size 唔啱，就係唔夠高身...

想喺日本訂購番黎，但基於種種原因又唔成事，
就連發夢都係 17cm 嘅鋁模...
終於， 我呢個唔淘寶嘅人，開始左我人生第一個買賣，
最初頗為擔心品質問題，但主人話淘佢番黎如果係正貨嘅話就當然好，
但相反嘅都起碼試過吖，費事我成日發夢都諗住佢喎...

終於，終於... 個模到手喇，講真品質確係唔錯，
蛋糕糊爬得好好，又易清洗，
我終於做到一個開到花嘅雪芳蛋糕喇...


今次我加左响 "富澤商店" 買嘅 "紅茶粉"，
好香濃茶味，我本人就好鐘意喇







好開心呀 

士多啤梨忌廉蛋糕

今晚同奶奶一家人食飯，
大姑奶同外甥女嘅生日飯...

上次佢地食過我整嘅雪芳蛋糕，好鐘意，
但冇理由就咁整個雪芳比佢地切架，
所以今次膽粗粗學人整個忌廉蛋糕過佢地...


my first cream cake  ~ 士多啤梨忌廉蛋糕


原味雪芳蛋糕做底，外面刎忌廉，
好彩近年餅店啲忌廉蛋糕都唔係一定要刎得好平滑，
我就懶係學人咁 "隨意" (其實就係刎得唔平咁囉)


希望佢地鐘意啦啦啦 

香蒜蘑菇螺絲粉

今日 green monday，
清清地炒左個意粉做晚餐，
但所謂清清地，
當中材料有：蒜片啦，蘑菇啦，蕃茄乾啦同三色椒啦，
視覺同味覺都唔錯呢



最緊要主人話好味

cream brulee

焦糖燉蛋係主人喜愛嘅甜品，
早前見 c chan 整左，
我見主人出差成個禮拜咁可憐，
琴晚整定等佢返黎有得食

個食譜好正，唔甜，唔漏，啲蛋又滑
但就係我支火槍唔生性，
整唔到靚靚嘅焦糖面





易整又好好味，主人好鐘意呢

多謝 c chan 嘅 食譜

檸檬薏米水

呢排成日落雨，濕濕漉漉咁，超唔舒服，
前幾日朋友問我係咪肥左，嘩，仲得了嘅，上磅見冇重到喎
但個人望落去就脹左啲咁囉...

即刻上網搵去水腫食療，見到呢個薏米水，今朝買齊料開工



味道好好呀
希望快啲走緊啲水腫啦
我跟呢個 食譜 架 

朱古力雪芳蛋糕

今日又想再練下整雪芳蛋糕，
白老鼠家庭話今次想試古古力味，
當然冇問題啦...
因如果冇家姐全家肯接收我嘅作品，
得我同主人一定 "啃" 唔哂囉...


出爐啦，涼透後切開見到唔少嶐嶐，
點解我嘅 fold in 咁水皮架




本書話，製作出狀態良好麵糊的秘訣在於：
"混拌時間短，攪拌次數少"
~ 呢兩句真係夠我慢慢研究...

同埋，我只得一個 20cm 嘅模，
但我又唔想整呢個 size 嘅份量 (怕出事可以浪費少啲野吖麻)
所以我用左 17cm 嘅份量整，
唔知係咪咁，個蛋糕冇爬得咁高
我係咪要入多個 17cm 嘅模呢?

是日晚餐

主人聽日出 trip，
將會有大量應酬等緊佢 (佢已經扁哂咀)

今晚特意煮啲佢最鍾意食嘅餸比佢開心吓


肉碎蒸豆腐 ~
今次我加左啲炸菜同指天椒，超惹味，送飯一流


上湯浸勝瓜 ~
我又加左佢鍾意嘅豆腐卜，
同好友送嘅白木耳 (我都係喜歡黑木耳多啲)



2 人，2 個餸，3 碗飯，清哂，正！