泡菜白本耳素餃

今日綠色星期一，
見雪柜仲有啲泡菜，就決定今日整素餃子當晚餐


素餃材料非常簡單，
泡菜，加朋友送嘅野生白木耳，
為免太過寡，加左少少醬油麹撈撈佢...

整左個餃子餡，出去處理私務，
傍晚返屋企至包餃子...



呢個就係我地今晚嘅綠色晚餐，
餃子清清地，餡料爽脆，味道不錯呢

我的夢想國。瑞士 (3)

我想講呢，我嘅遊記嘅資訊性係等如零，
加上我支筆又相當不濟，
所以呢，我唯有以相片黎同大家分享當中樂趣...

不過，估唔到我竟然有讀者追看，
巧開心喔
* * * * * * * * * * * * * * * * * * * * * * * * * * * * *

好，行程第 3 日，今日都係好好天氣，
我地食完早餐後，前往 "奧林匹克博物館"，
去到至發覺個博物館裝修緊，
佢地將有關嘅展品移師到對嘅湖畔嘅船裡面，
嗰樹風景好靚，我地响湖邊散步，影左好多相

"洛桑 lausanne" 日內瓦湖畔

就係放响呢隻船裡面



好羡慕啲海鷗，可以响咁靚，咁寧靜嘅環境下生活



奧運標誌



遊完 "奧林匹克博物館"，
我地前往 "拉沃 lavaux"，瑞士最美麗風景嘅葡萄園區

沿途景色







漫步葡萄園後，我地落山去一間酒莊免費試酒，
酒莊外草地，都係湖畔





瑞士餐酒主要內銷，香港好難飲到，
加上免費喎，我同主人呢兩個酒鬼緊係唔放過啦，每人 3 杯 (兩紅一白)，飲哂



試完酒去食 lunch，餐廳外景色，又係靚



飯後就驅車前往 "洛加伯溫泉區 leukerbad"，
我地會响嗰樹住一晚

沿途景色



到左 "洛加伯"，
我呢個溫泉痴，知道呢度嘅溫泉水唔係日本嗰隻溫度，
所以我同主人選擇响呢個去小鎮閒逛，影吓相





個鎮好細，行完後番酒店休息，晚飯，
聽日會上雪山呀，超興奮呢

( 續 )

我的夢想國。瑞士 (2)

話說今次係我同主人第一次去歐洲旅行，
好多人都好奇怪我地點解唔 join 幾個國家嘅團，
第一次就黎個單一國家嘅深度遊，
其實好簡單，我地兩個只想個旅程唔趕急，同埋，可以飽覽大自然風景囉
* * * * * * * * * * * * * * * * * * * * * *

經過琴晚近乎昏迷嘅狀態休息下，
今早起身個人叉足電，精神好多，
瞓醒打開窗簾，
yo，個天好靚呀，早餐前出去影陣相先


琴晚我地住嘅酒店，日內瓦湖畔嘅 "kempinski"，很不錯呢

酒店外景色 ~ "日內瓦湖 lake geneva"



早餐後前往市中心參觀 "聯合國" 同 "紅十字會總部"，跟住就坐船遊 "日內瓦湖"



坐完船後，去參觀 "城堡詩隆堡 chillon castle"，
沿途風光...



基於我地影唔到城堡嘅全貌，我响網上借用左以下呢張相黎呢樹比大家望望



開始遊堡喇...



遊人不少呢



堡內牆上畫壁



遊完堡後，堡外嘅景色仲吸引到我，
天氣好好，好舒服，遠處可見雪山，真係令人忘記香港嘅一切煩擾





之後要去瑞士第二大法語城市 "洛桑 lausanne"，
呢樹係當晚晚餐外嘅風景，讚





(續)

我的夢想國。瑞士 (1)

兒時一套卡通片，令我對瑞士呢個地方印象好深，
大個左，喜愛大自然，就更加對佢著迷...

今年，主人終於有時間同我去 (冇法，佢覺得請 10 假係好奢侈)，
我都好尊重佢嘅諗法嘅 (但唔係好同意囉，嘿嘿)

雖然唔係太鐘意跟團，但又唔想用腦去做搜集，
所以最終用錢去換一個唔使用腦嘅旅遊，
跟據啲 blogger 講，其實自由行同跟團，用嘅錢都係差唔多，只係時間上自主權嘅分別...
* * * * * * * * * * * * * * * * * * * * * * * * * * * * * * * *

終於出發喇，勁開心呀

經過 12 小時嘅機程，人已經散左一半，
到達 "蘇黎世 zurich" 係第二朝 6 點幾，
隨即開始我地嘅行程...

第一站 ~ 鐘錶製造博物館



博物館內嘅每一樣陳列品，我都想據為己有，就連呢啲工具



真係好靚 







參觀完博物館，去瑞士首都 "伯爾尼 bern"







國會大樓外，有個 "古惑噴水池"，好多小朋友除哂啲衫，天真地去享受當中嘅涼快





再去古城，飽覽佢地嘅古舊建築



隨處可見我最愛的 daisy



遊完 "伯爾尼"後，就去今晚住嘅地方 "日內瓦 geneva"，
呢日因為由朝早 6 點開始，
其實我已經巧累，巧想快啲沖涼瞓覺

(續)

芝士火腿包 + 芝士肉鬆包

聽日要飛喇，
所以今日要做埋最後一次星野生種，
同清埋雪柜裡嘅資源...

今次整左兩種包包，
芝士火腿包同芝士肉鬆包，
家姐一家聽日有早餐食喇


芝士火腿包

芝士肉鬆包



組織都唔錯，嘻嘻 




終於玩完第一包星野喇，
整左 4 次包包，
過程同普通酵母好唔同，
令我對整包包嘅熱誠又再度燃起

旅行完番黎再買星野，
或者白神，
又或者學 blog 友咁自己培養天然酵母，
總之好開心，好期待下一次嘅過程呢                    

綠色晚餐

好友 k 响意大利買左樽 pesto sauce 送比我，
咁啱今晚主人冇應酬，又係星期一，
清清地炒左個洋蔥三色椒意粉，
再加啲 pesto sauce 落去拌勻，
真係超好味



再清埋雪柜嘅沙律菜同日本青瓜，
加日式芝麻醬做左個沙律，
又係正到爆燈



你今日 green 左未?                

蛋沙律多士

琴日整左星野吐司，
咁好自然地成為今朝早嘅早餐，
見雪柜有火腿腸仔類，本來想整 pizza 多士，
但諗起今日要 green monday 喎 ，
(唔係迫自己 green，只係覺得既然對地球村好嘅，儘量出一份力囉)

好彩雪柜仲有一隻雞蛋，
即刻轉駄整件蛋沙律多士，
配沙律菜，同朋友嘅沙巴手信 "白咖啡"，
好滿足啦



星野生種仲有一次，要响聽日整埋佢，
再望望雪柜仲有啲咩材料清左佢先，
因為後晚要上機去遠遊呢，
超期待喔